ଫାଶୀ ଲଗାଇ ଆତ୍ମହତ୍ୟା କଲେ ଡିଆଇଜିଙ୍କ ପତ୍ନୀ

ଲକ୍ଷ୍ନୌ : ଉତ୍ତରପ୍ରଦେଶର ରାଜଧାନୀ ଲକ୍ଷ୍ନୌରେ ଡିଆଇଜି ଚନ୍ଦ୍ର ପ୍ରକାଶଙ୍କ ପତ୍ନୀ ଶନିବାର ଫାଶୀ ଲଗାଇ ଆତ୍ମହତ୍ୟା କରିଛନ୍ତି। ମୃତଦେହକୁ ଜବତ କରି ପୁଲିସ ତଦନ୍ତ ଆରମ୍ଭ କରିଥିବା ଜଣାପଡିଛି।

ସୂଚନା ଅନୁସାରେ, ସୁଶାନ୍ତ ଗଲ୍ଫ ସିଟି ଅଞ୍ଚଳରେ ଡିଆଇଜି ଚନ୍ଦ୍ର ପ୍ରକାଶଙ୍କ ୩୬ ବର୍ଷିୟା ପତ୍ନୀ ପୁଷ୍ପା ପ୍ରକାଶ ସକାଳ ପ୍ରାୟ ୧୧ଟାରେ ଫାଶୀ ଦେଇ ଆତ୍ମହତ୍ୟା କରିଛନ୍ତି। କିଛି ଲୋକଙ୍କ ସାହାଯ୍ୟରେ ତାଙ୍କୁ ନେଇ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ମାତ୍ର ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ପୁଷ୍ପା ପ୍ରକାଶ ଆତ୍ମହତ୍ୟା କରିବାର କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। କିମ୍ବା କୌଣସି ଆତ୍ମହତ୍ୟା ନୋଟ ମଧ୍ୟ ଘଟଣା ସ୍ଥଳରୁ ମିଳିନାହିଁ।

ଉଲ୍ଲେଖ ଯୋଗ୍ୟ,  ଡିଆଇଜି ଚନ୍ଦ୍ର ପ୍ରକାଶ ହାଥରସ ଜିଲ୍ଲାରେ ହୋଇଥିବା ଗଣଦୁଷ୍କର୍ମ ଓ ହତ୍ୟା ମାମଲାରେ ଗଠିତ ହୋଇଥିବା ଏସଆଇଟି ଟିମର ସଦସ୍ୟ ରହିଛନ୍ତି।

Comments
Loading...