ଧର୍ମଶାଳା : ଧର୍ମଶାଳା ଥାନା ଅନ୍ତର୍ଗତ ଚଣ୍ଡିଖୋଲ ପାରାଦ୍ୱୀପ ଜାତୀୟ ରାଜପଥର ଶ୍ରୀରାମପୁର ଟୋଲଗେଟ୍ ନିକଟରେ ଆଜି ସକାଳେ ଏକ ଟ୍ରକ ଦୁର୍ଘଟଣାରେ ଜଣକର ମୃତ୍ୟୁ ଘଟିଥିବାବେଳେ ଅନ୍ୟଜଣେ ଗୁରୁତର ଆହତ ହୋଇଛି। ଆହତ ବ୍ୟକ୍ତିଙ୍କୁ ବଡ଼ଚଣା ଡାକ୍ତରଖାନାକୁ ପଠାଯାଇଛି।
ମିଳିଥିବା ସୂଚନା ଅନୁଯାୟୀ ଶ୍ରୀରାପୁର ଟୋଲଗେଟ୍ ନିକଟରେ ପୂର୍ବରୁ ଏକ ଟ୍ରକ ଠିଆ ହୋଇ ରହିଥିବାବେଳେ ଆଉ ଏକ ଟ୍ରକ ପଛପଟୁ ଧକ୍କା ଦେଇଥିଲା। ଫଳରେ ପିଟିଥିବା ଟ୍ରକ ସମ୍ମୁଖଭାଗ ଭାଂଗିରୁଜି ଯାଇଛି। ଖବର ପାଇ ଘଟଣାସ୍ଥଳରେ ଚଣ୍ଡିଖୋଲ ଅଗ୍ନିଶମ ବିଭାଗର କର୍ମଚାରୀ ପହଞ୍ଚି ଟ୍ରକ ଭିତରୁ ଡ୍ରାଇଭର ଓ ହେଲ୍ପରକୁ ବାହାର କରିଥିଲେ । ମାତ୍ର ଘଟଣାସ୍ଥଳରେ ଡ୍ରାଇଭର ମୃତ୍ୟୁ ହୋଇଥିବାବେଳେ ହେଲପର ଗୁରୁତର ଆହତ ହୋଇଛନ୍ତି। ଟ୍ରକ ଚାଳକଙ୍କ ଅସାବଧାନତା ଯୋଗୁ ଏହି ଦୁର୍ଘଟଣା ଘଟିଥିବା ସୂଚନା ମିଳିଛି। ମୃତ ଡ୍ରାଇଭର ଘର ଉତ୍ତର ପ୍ରଦେଶ ଅଟ୍ଟା ଜିଲାର ଓମ୍ବୀର ଯାଦବ ଓ ଆହତ ଜଣକ କଟରାବାଲି ଅଞ୍ଚଳର ପ୍ରେମ କିଶୋର ସିଂ ବୋଲି ପୁଲିସ ସୂତ୍ରରୁ ପ୍ରକାଶ। ମୃତଦେହକୁ ଧର୍ମଶାଳା ପୁଲିସ ଜବତ କରିବା ସହ ଦୁର୍ଘଟଣାଗ୍ରସ୍ତ ଗାଡ଼ିକୁ ଜବତ କରି ତଦନ୍ତ ଚଳାଇଛି ବୋଲି ପୁଲିସ ସୂତ୍ରରୁ ପ୍ରକାଶ ।
Comments are closed.