ଜିଲ୍ଲା ପ୍ରଶାସନ ଅଗୋଚରରେ ଚାଲିଛି ଧର୍ମାନ୍ତରୀକରଣ, ନିର୍ମାଣାଧୀନ ଚର୍ଚ୍ଚକୁ ବିରୋଧ

ଦୁଇ ଥାନାରେ  ଅଟକ

ପାଟଣା : କେନ୍ଦୁଝର ଜିଲ୍ଲା ପାଟଣା ଥାନା ଅନ୍ତର୍ଗତ କୁଣ୍ଡୁଳା ପଞ୍ଚାୟତ ଜୟପୁର ଗ୍ରାମରେ ଆଦିବାସୀ ମାନଙ୍କୁ ପ୍ରଲୋଭନ ଦିଆଯାଇ ଧର୍ମାନ୍ତରୀକରଣ କରାଯାଉଛି। ଏପରି କାମ ଦୀର୍ଘ ଦିନ ହେଲା ଅବ୍ୟାହତ ଥିବା ବେଳେ ଗ୍ରାମରେ ଏକ ଚର୍ଚ୍ଚ ନିର୍ମାଣ ମଧ୍ୟ ଆରମ୍ଭ ହୋଇଛି। ହେଲେ କିଛି ସଚେତନ ଲୋକ ଚର୍ଚ୍ଚ ନିର୍ମାଣକୁ ବିରୋଧ କରିବା ପରେ ଘଟଣା ଲୋକ ଲୋଚନକୁ ଆସିଛି।

ରବିବାର ହିନ୍ଦୁ ଜାଗରଣ ସାମୁଖ୍ୟର ଜିଲ୍ଲା ସଂଯୋଜକ ଶିବାଜୀ ଗୌତମ ମହାନ୍ତ ବର୍ମାଙ୍କ ନିକଟକୁ ଜୟପୁର ସାନ୍ତାଳ ସମାଜର ମୁଖିଆ ଯାଇ ଜଣାଇବା ପରେ ଶ୍ରୀବର୍ମା ଗ୍ରାମକୁ ଆସି ଘଟଣାର ଅନୁଧ୍ୟାନ କରିଥିଲେ । ସେହି ସମୟରେ ଗ୍ରାମର ସ୍ୟାମସୁନ୍ଦର ବାସ୍କେଙ୍କ ଘରେ ଖ୍ରୀଷ୍ଟ ଧର୍ମାବଲମ୍ବୀ ବାହାର ଅଞ୍ଚଳର ପତି ପତ୍ନୀ ବାଇବେଲ ଶିକ୍ଷା ଦେଉଥିବା ଜଣାପଡିଥିଲା। ଖବର ପାଇ ଶ୍ରୀ ବର୍ମା ଉଭୟ ଖ୍ରୀଷ୍ଟ ଧର୍ମାବଲମ୍ବୀ ପତି-ପତ୍ନୀଙ୍କୁ ସେମାନଙ୍କ ଠିକଣା ପଚାରିବାରୁ ପୁରୁଷ ବ୍ୟକ୍ତି ଜଣକ ତାଙ୍କ ଘର ମନୋହରପୁର ନିକଟସ୍ଥ ସାନପୁଶି ଗ୍ରାମର ବୋଲି କହିଥିଲେ। ତେବେ ତାଙ୍କ ନାମ ହୁମବାଇ ଟୁଡୁ ଓ ପତ୍ନୀଙ୍କ ନାମ ହୀରା ଟୁଡୁ ବୋଲି ସେ ପ୍ରକାଶ କରିଛନ୍ତି ।

Samajalive.in

ଏନେଇ ପାଟଣା ପୋଲିସକୁ ସୂଚନା ଦିଆଯିବାପରେ ପାଟଣା ଥାନାଧିକାରୀ ସୋମନାଥ ଜେନା ସଦଳବଳେ ଜୟପୁର ଗ୍ରାମରେ ପହଞ୍ଚି  ପତି-ପତ୍ନୀ ଉଭୟଙ୍କୁ ଥାନାକୁ ଆଣି ଘଟଣାର ତଦନ୍ତ କରୁଛନ୍ତି। ସାହାରପଡ଼ା ବ୍ଲକ୍ ଅଞ୍ଚଳରେ ଗରିବ ଆଦିବାସୀ ସାନ୍ତାଳ ଓ ମୁଣ୍ଡା ସମ୍ପ୍ରଦାୟର ପରିବାରଙ୍କୁ ବିଭିନ୍ନ ପ୍ରଲୋଭନ ଦେଖାଇ ଖ୍ରୀଷ୍ଟ ଧର୍ମ ଗ୍ରହଣ କରିବାକୁ ବାଧ୍ୟ କରାଯିବା ଘଟଣାକୁ ହିନ୍ଦୁ ଜାଗରଣ ସାମୁଖ୍ୟ ବିରୋଧ କରିବ ବୋଲି ଏହାର ଜିଲ୍ଲା ସଂଯୋଜକ ଶ୍ରୀ ବର୍ମା ଗଣମାଧ୍ୟମକୁ ସୂଚନା ଦେଇଛନ୍ତି। ଏନେଇ ଥାନାଧିକାରୀ ସମୋନାଥ ଜେନାଙ୍କୁ ଯୋଗାଯୋଗ କରାଯିବା ରେ ସେ ଘଟଣାର ତଦନ୍ତ କରୁଛନ୍ତି ବୋଲି ସୂଚନା ଦେଇଛନ୍ତି।

Comments
Loading...