ପ୍ରେମ ସମ୍ପର୍କକୁ ନେଇ ଯୁବକଙ୍କୁ ନିର୍ମମ ହତ୍ୟା

ଧର୍ମଗଡ଼: କଳାହାଣ୍ଡି ଜିଲା ଗୋଲାମୁଣ୍ଡା ଥାନା ଅନ୍ତର୍ଗତ ଗଏନ୍ଦିମୁଣ୍ଡା ଗାଁରେ ଯୁବକଙ୍କୁ ନିର୍ମମ ହତ୍ୟା କରାଯାଇଛି । ପ୍ରେମ ସଂପର୍କକୁ ନେଇ ହତ୍ୟା କରାଯାଇଥିବା ଅଭିଯୋଗ ଆଣିଛନ୍ତି ମୃତକଙ୍କ ପରିବାର ଲୋକେ । ଗତକାଲି ଖଲିଆକାନୀ ଗାଁର ଦିଲିପ ମେହେର ନିଜର ସାଙ୍ଗ ଲୋକନାଥଙ୍କ ସହ ଗଏନ୍ଦିମୁଣ୍ଡା ଯାଇଥିଲେ । ସେଠାରେ ଝିଅର ପରିବାର ଲୋକ ସେମାନଙ୍କୁ ଘେରାଉ କରିଥିଲେ । ଘଟଣାସ୍ଥଳରେ ଉତ୍ତେଜନା ହେବାରୁ ତାଙ୍କ ସାଙ୍ଗ ସେଠାରୁ ଖସି ଯାଇଥିଲେ ଓ ପରିବାର ଲୋକଙ୍କୁ ସୂଚନା ଦେଇଥିଲେ । ପରିବାର ଲୋକ ଦିଲିପକୁ ଖୋଜାଖୋଜି କରିବା ବେଳେ ଗାଁ ମୁଣ୍ଡରେ ତାଙ୍କ ରକ୍ତ ଜୁଡୁବୁଡୁ ଶବ ପଡିଥିବା ଦେଖି ଗୋଲାମୁଣ୍ଡା ପୁଲିସକୁ ଖବର ଦେଇଥିଲେ ।

ଏହାଏକ ହତ୍ୟାକାଣ୍ଡ ଵୋଲି ପରିବାର ଲୋକ ଗୋଲାମୁଣ୍ଡା ଥାନାରେ ଅଭିଯୋଗ କରିବାପରେ ପୁଲିସ ପହଞ୍ଚି ତଦନ୍ତ ଆରମ୍ଭ କରିଥିବା ବେଳେ ପ୍ରେମ ସମ୍ପର୍କ ରୁ ହୋଇ ଥିବା ପ୍ରାଥମିକ ତଦନ୍ତରୁ ଜାଣିବାକୁ ପାଇଥିଲେ । ବର୍ତ୍ତମାନ ପୁଲିସ ଝିଅ , ଝିଅର ବାପା, ମାଆ ଓ ଭାଇ କୁ ଅଟକ ରଖି ସାଇଣ୍ଟିଫିକ୍‌ ଟିମ୍ ଡକାଇ ପୁଲିସ ତଦନ୍ତ କରୁଥିବା ଜଣାପଡିଛି।

ସୂଚନାଅନୁସାରେ ଗଏନ୍ଦିମୁଣ୍ଡା ଗାଁ ର ଦ୍ରୌଣ ବଗର୍ତ୍ତିଙ୍କ ଝିଅ ଅନିତା (ଛଦ୍ମନାମ) କୁ ଦିଲୀପ ମେହେର ଦୀର୍ଘ ଦିନ ହେବ ପ୍ରେମ କରୁଥିଲେ ଓ ତାଙ୍କୁ ମୋବାଇଲ ଦେଇ ତାଙ୍କ ସହ କଥା ମଧ୍ୟ ହେଉଥିଲେ। ହେଲେ ଗତକାଲି ଦୁଇ ସାଙ୍ଗ ମୋବାଇଲ୍ ଆଣି ବାକୁ ଯାଇ ଥିବା ଏହି ଘଟଣା ଘଟି ଥିଲା ବୋଲି ପ୍ରତ୍ୟକ୍ଷ ଦର୍ଶୀଙ୍କ କହିଛନ୍ତି । ଅନ୍ୟ ପଟେ ପ୍ରେମ ସମ୍ପର୍କକୁ ନେଇ ନିଜ ଭାଇକୁ ହତ୍ୟା କରାଯାଇଥି ବା କହିଛନ୍ତି ମୃତକଙ୍କ ଭାଇ ।

Comments
Loading...