ଗୁରୁଡିଝାଟିଆ : ଓଡିଆ ସଂସ୍କୃତି ଓ ପରମ୍ପରାରେ ଧନୁ ସଂକ୍ରାନ୍ତିର ଭୂମିକା ବେଶ ମହତ୍ତ୍ୱପୂର୍ଣ୍ଣ। ପ୍ରତ୍ୟେକ ପରିବାର ରେ ଆଜି ପରମ୍ପରାକୁ ଉଜ୍ଜିବୀତ ରଖିବାପାଇଁ ମୁଆଁକୁ ପ୍ରଭୂ ଙ୍କ ନିକଟରେ ଅର୍ପଣ କରାଯାଏ। ଏହାପରେ ପରିବାର ର ପ୍ରତ୍ୟେକ ସଦସ୍ୟ ଏହାକୁ ପ୍ରସାଦ ରୂପେ ପାଇଥାନ୍ତି। ଆଜି ନୁହେଁ କି କାଲି ନୁହେଁ ଏହା ଓଡିଆ ସଂସ୍କୃତିର ଏକ ଅବିଚ୍ଛେଦ୍ୟ ଅଙ୍ଗ ଭାବରେ ପାଲଟି ପ୍ରାଚୀନ କାଳରୁ ପାଳିତ ହେଉଅଛି। ଆଠଗଡ ବିକାଶ ମଞ୍ଚଆଜି ଏହାକୁ ଉଜ୍ଜୀବିତ କରି ରଖିବା ସହିତ ସଂସ୍କୃତିର ପ୍ରଚାରପ୍ରସାର ପାଇଁ କୁଷ୍ପଙ୍ଗି ପଞ୍ଚାୟତର ବଉଳ ଠାରେ ଶିଶୁମାନଙ୍କ ସହିତ ପାଳିଛନ୍ତି ଧନୁସଂକ୍ରାନ୍ତି। ଛୋଟଛୋଟ ପିଲାମାନଙ୍କୁ ମୁଆଁ ପ୍ରଦାନ ସହିତ ଗ୍ରାମବାସୀମାନଙ୍କ ସହିତ ଆଜି ଦିନର ମହତ୍ତ୍ୱକୁ ବିଷଦ ଭାବରେ ମଞ୍ଚର ସଭାପତି ମାନସ ବସ୍ତିଆ ଓ ପୂର୍ବତନ ସରପଞ୍ଚ ମାଗୁଣୀ ବସ୍ତିଆ ବୁଝାଇଥିଲେ।