ଆରକ୍ଷୀ ମହାନିର୍ଦେଶକ ଅଭୟଙ୍କ ସମୀକ୍ଷା ବୈଠକ, ‘ମୋ ସରକାର’ ଟେଲିଫୋନ୍‌ ଫିଡ୍‌ବ୍ୟାକ୍‌ ବ୍ୟବସ୍ଥାର ପୁନଃ ଆରମ୍ଭ ଉପରେ ଆଲୋଚନା

ଭୁବନେଶ୍ବର: ରାଜ୍ୟ ଆରକ୍ଷୀ ମହାନିର୍ଦେଶକ ଅଭୟ ଆଜି ରାଜ୍ୟର ସମସ୍ତ ଆରକ୍ଷୀ ଅଧିକ୍ଷକ, କଟକ ଓ ରାଉରକେଲାର ରେଳବାଇ ଆରକ୍ଷୀ ଅଧିକ୍ଷକ ଏବଂ ସମସ୍ତ ରେଞ୍ଜ ଆଇଜି ଏବଂ ଡିଆଇଜିଙ୍କ ସହ ଭିଡିଓ କନ୍‌ଫରେନ୍‌ସିଂ ଜରିଆରେ ବଭିିନ୍ନ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ସମୀକ୍ଷା କରିଥିଲେ। ଏହି ବୈଠକରେ ‘ମୋ ସରକାର’ ଟେଲିଫୋନ୍‌ ଫିଡ୍‌ବ୍ୟାକ୍‌ ବ୍ୟବସ୍ଥାର ପୁନଃ ଆରମ୍ଭ ଏବଂ ଗିରଫ ଓ ହାଜତ ରହଣି ସମୟରେ ନୟିମ ବହିର୍ଭୁତ କାର୍ଯ୍ୟ କିମ୍ବା ଅନିୟମିତତାକୁ ପ୍ରତିଯୋଧ କରିବା ଉପରେ ଆଲୋଚନା କରାଯାଇଥିଲା। ସେହିପରି ଏଏସ୍ଆଇ ପଦବୀକୁ ପଦୋନ୍ନତି ପ୍ରସଙ୍ଗ, ବିଭନ୍ନ ଜିଲାରେ କନେଷ୍ଟବଳରୁ ସିଆଇ ହାବଲିଦାର ଓ ଲାନ୍ସ ନାୟକ ପଦବୀର ପଦୋନ୍ନତିରେ ଅଗ୍ରଗତି, ପଦୋନ୍ନତି ଅବଧି ପୂର୍ବରୁ ଅବସର ନେବା ଓ ଭଲ କାର୍ଯ୍ୟ ପାଇଁ ପ୍ରୋତ୍ସାହନ ପ୍ରଦାନ, ତଦନ୍ତ ର ମାନବୃଦ୍ଧକିୁ ସୁନିଶ୍ଚିତ କରିବା, ସିସିଟିଏନ୍ଏସ୍ ମାଧ୍ୟମରେ ଅପରାଧ ସମୀକ୍ଷା ପାଇଁ ଏସ୍‌ଆର୍‌ ମଡ୍ୟୁଲ୍‌ର ଅଗ୍ରଗତି, ପୁଲିସ ଷ୍ଟେସନ୍‌ରେ ସିସିଟିଭିର କାର୍ଯ୍ୟକାରିତା, ଡିଜିପି ଡିସ୍କ ପ୍ରଦାନ ପ୍ରସଙ୍ଗରେ ଏହି ଅବସରରେ ଆଲୋଚନା ହୋଇଥିଲା।


ଏହି ସମୀକ୍ଷା ବୈଠକରେ ଭୁବନେଶ୍ବରରୁ ଅତିରିକ୍ତ ଆରକ୍ଷୀ ମହାନିର୍ଦେଶକ ରେଳବାଇ, ନିର୍ଦେଶକ ରାଜ୍ୟ କ୍ରାଇମ ରେକର୍ଡ ବ୍ୟୁରୋ ଏବଂ ଆଇଜି (ଅପରେସନ) ଅଂଶଗ୍ରହଣ କରିଥିଲେ। ଏହାସହିତ ଅତିରିକ୍ତ ଆରକ୍ଷୀ ମହାନିର୍ଦେଶକ (ସଦର ମହକୁମା), ଅତରିକ୍ତି ଆରକ୍ଷୀ ମହାନିର୍ଦେଶକ (ଆଇନ୍ ଶୃଙ୍ଖଳା), ଆଇ.ଜ୍ି (ଆଧୁନିକୀକରଣ), ଆଇଜି (ପ୍ରୋଭିଜନିଂ) ଓ ଆଇଜି (ପର୍ସୋନେଲ୍‌) ପ୍ରମୁଖ କଟକ ପୁଲିସ ମୁଖ୍ୟାଳୟରୁ ଯୋଗ ଦେଇଥିଲେ।

Comments
Loading...