ଡେରାଡୁନ : ପିଥୋରାଗଡର ଝୁଲାଘାଟରେ ଏକ ହତ୍ୟା ଘଟଣା ସ୍ଥାନୀୟ ଅଞ୍ଚଳରେ ହଇଚଇ ସୃଷ୍ଟି କରିଛି। ଜଣେ ମହିଳା ବର୍ବରତାର ସମସ୍ତ ସୀମାକୁ ଅତିକ୍ରମ କରିଥିବା ଭଳି ଏକ ଘଟଣା ସାମ୍ନାକୁ ଆସିଛି। ମହିଳା ଜଣକ ନିଜ ସ୍ୱାମୀଙ୍କୁ ଏକ ଧାରୁଆ ଅସ୍ତ୍ରରେ ହତ୍ୟା କରି ତାଙ୍କ କଟା ମୁଣ୍ଡ ଧରି ଥାନାରେ ପହଞ୍ଚିଥିଲେ। ଥାନାରେ ଏହି ଦୃଶ୍ୟ ଦେଖି ସଭିଁଏଁ ସ୍ତବ୍ଧ ହୋଇଯିବା ସହ ପୁଲିସ ପ୍ରଥମେ ମୃତଦେହକୁ ଜବତ କରିଥିଲା। ମହିଳାଙ୍କ ଆଖିରେ ପଶ୍ଚତାପ ଆଦୌ ନଥିଲା। ସେ ଥାନାରେ ଆତ୍ମସମର୍ପଣ ପାଇଁ ପ୍ରସ୍ତୁତ ଅଛନ୍ତି ବୋଲି ପୁଲିସ ସମ୍ମୁଖରେ କହିଥିଲେ।
ସୂଚନାନୁଯାୟୀ, ଜଣେ ମହିଳା ହାତରେ ଜଣେ ବ୍ୟକ୍ତିଙ୍କ କଟାମୁଣ୍ଡ ଧରି ଝୁଲଘାଟ ପୁଲିସ ଥାନାରେ ପହଞ୍ଚିଥିଲେ। ଏହାପରେ ମହିଳା ଜଣକ ପୁଲିସ ନିକଟରେ ସେ ନିଜ ସ୍ୱାମୀଙ୍କୁ ହତ୍ୟା କରିଛନ୍ତି ବୋଲି ସ୍ୱୀକାର କରିଥିଲେ। ଆତ୍ମସମର୍ପଣ କରିବାକୁ ଚାହାଁନ୍ତି ବୋଲି କହିଥିଲେ। ଏହାପରେ ପୁଲିସ ଏହି ଅପରାଧ କରିବାର କାରଣ ପଚାରିବା ସହ ତଦନ୍ତ ଆରମ୍ଭ କରିଛନ୍ତି। ପୁଲିସ କହିବାନୁଯାୟୀ, ପରସ୍ପର ମଧ୍ୟରେ ବିବାଦ କାରଣରୁ ମହିଳା ଜଣକ ନିଜ ସ୍ୱାମୀଙ୍କୁ ଧାରୁଆ ଅସ୍ତ୍ରରେ ହତ୍ୟା କରିଛନ୍ତି ବୋଲି କହିଥିଲେ।
Comments are closed.