ମାଛ ମାରୁଥିବା ବେଳେ ହାତରେ ଫୁଟିଲା ଡାଇନାମାଇଟ : ଛିଣ୍ଡିଗଲା ମତ୍ସ୍ୟଜୀବୀଙ୍କ ହାତ ପାପୁଲି

ଦେବଗଡ : ମାଛ ଧରିବା ପାଇଁ ପାଣିରେ ଡାଇନାମାଇଟ ଖଞ୍ଜୁଥିବା ସମୟରେ ଏହା ଫୁଟିଯିବାରୁ ଜଣେ ମତ୍ସ୍ୟଜିବୀଙ୍କର ଡାହାଣ ହାତର ପାପୁଲିଟି ସମ୍ପୂର୍ଣ୍ଣ ଭାବେ ଛିଣ୍ଡି ଯାଇଥିବା ଜଣାପଡିଛି। ମିଳିଥିବା ସୂଚନା ଅନୁଯାୟୀ, ରିଆମାଳ ବ୍ଲକ ନୂଆଁଗାଁ ପଂଚାୟତ ଅନ୍ତର୍ଗତ ପୋଡାଡିହୀ ଗ୍ରାମର ସ୍ୱର୍ଗତ ମାଧବ ପେଣ୍ଠେଇଙ୍କ ପୁଅ ଭୀଷ୍ମ ପେଣ୍ଠେଇ(୪୫) ଆଜି ସକାଳେ ମାଛ ମାରିବାକୁ ନିକଟସ୍ଥ ରେଙ୍ଗାଳି ଡ୍ୟାମ ଜଳ ଭଣ୍ଡାର(ବ୍ରହ୍ମଣୀ ନଦୀ)କୁ ଯାଇଥିଲେ। ତେବେ ମାଛ ଧରିବା ପାଇଁ ସେ ପାଣିରେ ଡାଇନାମାଇଟ ଖଞ୍ଜୁଥିବାବେଳେ ଏହା ତାଙ୍କ ହାତରେ ଫୁଟିଯିବା ସହ ତାଙ୍କର ଡାହାଣ ହାତର ପାପୁଲିଟି ସମ୍ପୂର୍ଣ୍ଣ ଭାବେ ଛିଣ୍ଡିଯାଇଥିଲା। ବିଷ୍ପୋରଣ ଶବ୍ଦ ଶୁଣି ଆଖପାଖ ଅଂଚଳରେ ଥିବା ଗ୍ରାମବାସୀମାନେ ସେଠାକୁ ଆସି ଭୀଷ୍ମଙ୍କର ହାତ ପାପୁଲିଟି ଛିଣ୍ଡି ଯାଇଥିବା ଦେଖିବାକୁ ପାଇଥିଲେ। ଏ ସମ୍ପର୍କରେ ସେମାନେ ତାଙ୍କ ସ୍ତ୍ରୀ ମିଲି ପେଣ୍ଠେଇଙ୍କୁ ଜଣାଇବାପରେ ଚିକିତ୍ସା ନିମନ୍ତେ ତାଙ୍କୁ ଦେବଗଡ଼ ଜିଲା ମୂଖ୍ୟ ଚିକତ୍ସାଳୟରେ ଭର୍ତ୍ତି କରାଯାଇଥିଲା। ମାତ୍ର ଅବବସ୍ଥା ଗୁରତର ଥିବାରୁ ଅଧିକ ଚିକିତ୍ସା ନିମନ୍ତେ ତାଙ୍କୁ ବୁର୍ଲା ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି। ପ୍ରାୟ ୨ ବର୍ଷ ପୂର୍ବେ ଭୀଷ୍ମ ଅନୁଗୁଳ ଜିଲାର ଏନଟିପିସିରେ ପଥର ଖଣିରେ କାର୍ଯ୍ୟ କରୁଥିବା ବେଳେ ସେଠାରୁ ୨ଟି ଡାଇନାମାଇଟ ଆଣିଥିଲେ ଆଜି ଏଥିରୁ ଗୋଟିଏକୁ ମାଛ ମାରିବା କାର୍ଯ୍ୟରେ ବ୍ୟବହାର କରୁଥିବାବେଳେ ଏଭଳି ଅଘଟଣ ଘଟିଛି ବୋଲି ଆହତ ମତ୍ସ୍ୟଜୀବୀ ଭୀଷ୍ମ ପ୍ରକାଶ କରିଛନ୍ତି।

Comments
Loading...