ମଙ୍ଗୁଳିରେ ଟ୍ରାଫିକ୍ ପୋଷ୍ଟ ପ୍ରତିଷ୍ଠା ଦାବି

ଚୌଦ୍ୱାର : ୧୬ ନମ୍ବର ଓ  ୫୫ ନମ୍ବର ଜାତୀୟ ରାଜପଥର ସଂଯୋଗ ସ୍ଥଳ ମଙ୍ଗୁଳିଛକ ଦେଇ ପ୍ରତିଦିନ ହଜାର ହଜାର ସଂଖ୍ୟାରେ ଯାନ ବାହନ ଯାତାୟତ କରିଥାନ୍ତି । ଏଥି ସହିତ ବିଭିନ୍ନ ସ୍ଥାନକୁ ଯିବାପାଇଁ ପ୍ରତିଦିନ ବହୁ ସଂଖ୍ୟାରେ ଯାତ୍ରୀ ଏହି ସ୍ଥାନରୁ ବସ୍ ଧରିଥାନ୍ତି । ଫଳରେ ଏହି ଛକରେ ସର୍ବଦା ଜନ ଗହଳି ଲାଗି ରହିଥିବାରୁ ବହୁ ସମୟରେ ଦୁର୍ଘଟଣାମାନ ଘଟି ଜୀବନହାନୀ ଘଟିବା ସହିତ ବହୁ ଲୋକ ଆହତ ହୋଇ ବିକଳାଙ୍ଗ ସଜିବା ନିତି ଦିନିଆ ଘଟଣା ହେଲାଣି । ଏହି ଛକରେ ଟ୍ରାଫିକ୍ ବ୍ୟବସ୍ଥା ନଥିବାରୁ ଗାଡ଼ି ମଟର ଗୁଡ଼ିକ ଟ୍ରଫିକ୍ ନିୟମକୁ ଫୁ’ କରି ଯାତାୟତ କରୁଥିବାରୁ ଦୁର୍ଘଟଣାମାନ ଘଟୁଥିବା ଦେଖିବାକୁ ମିଳୁଛି । ଏସବୁ ପରିସ୍ଥିତକୁ ଦୃଷ୍ଟିରେ ରଖି ଛକର ମଧ୍ୟସ୍ଥଳରେ ଏକ ଟ୍ରାଫିକ୍ ପୋଷ୍ଟ ପ୍ରତିଷ୍ଠା କରିବା ସହିତ ୨୪ ଘଣ୍ଟିଆ ଟ୍ରାଫିକ୍ ପରିଚାଳନାର ବ୍ୟବସ୍ଥା କରିବା ପାଇଁ ଆନ୍ତର୍ଜାତୀୟ ମାନବାଧିକାର ପରିଷଦର ସଭାପତି ସସ୍ମିତା ଦାସ, ଅଭିଳାସ ଚନ୍ଦ୍ର ସାହୁ, ନାରାୟଣ ବିଶ୍ୱାଳ, ସମରଜିତ୍ ମହାନ୍ତି ପ୍ରମୁଖ ଆରକ୍ଷୀ ମହାନିର୍ଦ୍ଦେଶକଙ୍କ ନିକଟରେ ଦାବି କରିଛନ୍ତି ।

Comments are closed.