ନୂଆଦିଲ୍ଲୀ: ଦିଲ୍ଲୀରେ ନାଗରିକତା ସଂଶୋଧନ ଆଇନ(ସିଏଏ) ସପକ୍ଷବାଦୀ ଓ ବିପକ୍ଷବାଦୀଙ୍କ ମଧ୍ୟରେ ଆରମ୍ଭ ହୋଇଥିବା ହିଂସାକାଣ୍ଡ ଯୋଗୁ ମୃତ୍ୟୁ ସଂଖ୍ୟା ୨୭କୁ ବୃଦ୍ଧି ପାଇଛି। ଅନେକ ଲୋକ ଆହତ ହୋଇ ଏବେ ବି ହସ୍ପିଟାଲରେ ଚିକିତ୍ସାଧୀନ ଅଛନ୍ତି। ଫଳରେ ମୃତ୍ୟୁ ସଂଖ୍ୟା ଆହୁରି ବଢ଼ିବାର ଆଶଙ୍କା କରାଯାଉଛି। ଦିଲ୍ଲୀର ନର୍ଥଇଷ୍ଟରେ ହୋଇଥିବା ହିଂସା ଘଟଣାରେ ଏପର୍ଯ୍ୟନ୍ତ ଦିଲ୍ଲୀ ପୁଲିସ ୧୮ଟି ଏତଲା ରୁଜୁ କରିବା ସହ ୧୦୬ ଜଣଙ୍କୁ ଗିରଫ କରିଛି। ଏବେ ଦିଲ୍ଲୀର ସ୍ଥିତି ଶାନ୍ତ ରହିଛି।
ସୂଚନାଯୋଗ୍ୟ, ଗତ ରବିବାରଠାରୁ ଦିଲ୍ଲୀର ମୌଜପୁର ଏବଂ ଜାଫରାବାଦ ଅଞ୍ଚଳରେ ସିଏଏ ସପକ୍ଷ ଏବଂ ବିପକ୍ଷବାଦୀଙ୍କ ମଧ୍ୟରେ ଗଣ୍ଡଗୋଳ ଘଟିଥିଲା। ଆନ୍ଦୋଳନକାରୀ ରାସ୍ତାକୁ ଆସି ପରସ୍ପରଙ୍କୁ ଟେକାପଥର ମାଡ଼ କରିବା ସହିତ ଗୁଳି ଚଳାଇଥିଲେ। ପୁଲିସ ଗଣ୍ଡଗୋଳ କରିବା ପାଇଁ ଉଦ୍ୟମ କରୁଥିବାବେଳେ ହେଡ୍ କନଷ୍ଟେବଳ ରତନ୍ ଲାଲ ଆକ୍ରମଣର ଶିକାର ହୋଇଥିଲେ। ତାଙ୍କୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଥିଲା। ମାତ୍ର ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
ସେହିପରି ହିଂସାରେ ଗୁଇନ୍ଦା ବିଭାଗର ଅନ୍ୟ ଜଣେ କନଷ୍ଟେବଳଙ୍କ ମୃତ୍ୟୁ ଘଟିଛି। ବୁଧବାର ଏକ ଡ୍ରେନରୁ ତାଙ୍କର ଗୁଳିବିଦ୍ଧ ମରଶରୀର ଉଦ୍ଧାର କରାଯାଇଛି।
Comments are closed.