ନୂଆଦିଲ୍ଲୀ: କୃଷି ଆଇନ ବିରୋଧରେ ଆନ୍ଦୋଳନରତ ଚାଷୀମାନେ ସାଧାରଣତନ୍ତ୍ର ଦିବସ ଅବସରରେ ଦିଲ୍ଲୀରେ ଟ୍ରାକ୍ଟର ରାଲି ଆୟୋଜନ କରିବାକୁ ପ୍ରସ୍ତୁତି ଜୋରଦାର କରିଛନ୍ତି। ଏଥିପାଇଁ କୃଷକ ସଂଗଠନଗୁଡ଼ିକ ପକ୍ଷରୁ ଦିଲ୍ଲୀ ପୁଲିସଠାରୁ ଅନୁମତି ଲୋଡ଼ାଯାଇଥିଲା, ଯାହାକୁ ପୁଲିସ ପକ୍ଷରୁ ମଞ୍ଜୁରୀ ପ୍ରଦାନ କରାଯାଇଛି।
ଟ୍ରାକ୍ଟର ରାଲିକୁ ନେଇ ରବିବାର ଦିଲ୍ଲୀ ପୁଲିସ ଏବଂ କୃଷକ ସଂଗଠନର ପ୍ରତିନିଧିମାନଙ୍କ ମଧ୍ୟରେ ବୈଠକ ବସିଥିଲା। ବୈଠକରେ ରାଲି କେଉଁ ରୁଟ୍ ଦେଇ ଯିବ ତାହା ସ୍ଥିର କରାଯାଇଥିଲା। ବୈଠକରେ ହୋଇଥିବା ନିଷ୍ପତ୍ତି ଅନୁସାରେ, ଦିଲ୍ଲୀ ସହର ବାହାର ସୀମା ଦେଇ ରାଲି ଯିବ। ୟୁପି ଗେଟ୍ରୁ ରାଲି ଆରମ୍ଭ ହୋଇ ଆନନ୍ଦ ବିହାର ସୀମାପୁରୀ ଦେଇ ମୀରଟ ପର୍ଯ୍ୟନ୍ତ ଯିବ।
Today there was a short meeting with officers of Delhi Police. We have got formal permission from Police for the tractor rally. As I told earlier, ‘Kisan Gantantra Parade’ will be held on January 26 in a peaceful manner: Yogendra Yadav, Swaraj India. pic.twitter.com/EkUzfPUSB4
— ANI (@ANI) January 24, 2021
ବୈଠକ ପରେ କୃଷକ ନେତା ଯୋଗେନ୍ଦ୍ର ଯାଦବ କହିଛନ୍ତି ଯେ, ଆମ ରୁଟ୍ ମ୍ୟାପ୍କୁ ପୁଲିସ ଲିଖିତ ଅନୁମତି ପ୍ରଦାନ କରିଛି। ୫ଟି ରୁଟ୍ରେ ୨୬ ତାରିଖରେ ଟ୍ରାକ୍ଟର ରାଲି କରାଯିବ। ଅନ୍ୟପଟେ ଦିଲ୍ଲୀ ପୁଲିସ କମିଶନର ସମସ୍ତ ପୁଲିସ କର୍ମଚାରୀଙ୍କୁ ସତର୍କ ରହିବାକୁ ନିର୍ଦେଶ ଜାରି କରିଛନ୍ତି।
ସମସ୍ତ ପୁଲିସ ଅଧିକାରୀ ଏବଂ କର୍ମଚାରୀଙ୍କ ସହିତ ସିଏପିଏଫ ଓ ଗଣତନ୍ତ୍ର ଦିବସ ପରେଡ୍ ପାଇଁ ସୁରକ୍ଷା ବ୍ୟବସ୍ଥାରେ ନିୟୋଜିତ ଅନ୍ୟ ଫୋର୍ସଗୁଡ଼ିକୁ ଟ୍ରାକ୍ଟର ରାଲି ପାଇଁ ସତର୍କ ରହିବାକୁ ନିର୍ଦେଶ ଦିଆଯାଇଛି। ରାଲି ସମୟରେ ଆଇନଶୃଙ୍ଖଳା ବ୍ୟବସ୍ଥା ବଜାୟ ରଖିବା ଲାଗି ବ୍ୟବସ୍ଥା କରାଯାଇଛି।
All officers and men, as well as CAPF and other force deployed for Republic Day Parade security, should remain in ready position to move at short notice for law and order arrangement in connection with Kisan tractor rally: Delhi Police Commissioner. pic.twitter.com/tW9U9ncbQt
— ANI (@ANI) January 24, 2021
ସେପଟେ ସିଙ୍ଘୁ ସୀମା ନିକଟ ଗୁରୁ ତେଗ୍ ବାହାଦୁର ମେମୋରିଆଲରେ ରବିବାର କୃଷକ ସଂସଦ ଆୟୋଜନ କରାଯାଇଥିଲା। ଏଥିରେ ସାମିଲ ହେବା ଲାଗି ଯାଇଥିବା କଂଗ୍ରେସ ସାଂସଦ ରବନୀତ ବିଟ୍ଟୁଙ୍କ ଗାଡ଼ି ଉପରେ ଆକ୍ରମଣ ହୋଇଛି। ତାଙ୍କ ଗାଡ଼ିକୁ ଲୋକମାନେ ଲାଠିରେ ପିଟିଥିଲେ। ଫଳରେ ତାଙ୍କ ଗାଡ଼ିର କାଚ ଭାଙ୍ଗିରୁଜି ଯାଇଥିଲା।
Comments are closed.