ନୂଆଦିଲ୍ଲୀ: ଦିଲ୍ଲୀ ବିଧାନସଭା ନିର୍ବାଚନ ପାଇଁ ଭୋଟ ଗଣତି ଜାରି ରହିଥିବା ବେଳେ ଆମ୍ ଆଦ୍ମୀ ପାର୍ଟି(ଆପ୍) ଆଗୁଆ ରହିଥିବା ଜଣାପଡିଛି। ଦିନ ୧୨ଟା ସୁଦ୍ଧା ଆପ୍ ୫୮ଟି ଆସନରେ ଆଗୁଆ ରହିଥିବା ବେଳେ ବିଜେପି ୧୨ଟି ଆସନରେ ଆଗୁଆ ରହିଛି। ଦିଲ୍ଲୀସ୍ଥିତ ଆପ୍ କାର୍ଯ୍ୟାଳୟ ଧଳା ଓ ନୀଳ ବେଲୁନରେ ସଜା ହୋଇଥିବା ବେଳେ କର୍ମକର୍ତ୍ତାଙ୍କ ମହଲରେ ଖୁସିର ଲହରି ଦେଖିବାକୁ ମିଳିଛି। ଅନ୍ୟ ପକ୍ଷରେ ନୂଆଦିଲ୍ଲୀସ୍ଥିତ ବିଜେପି ଦଳୀୟ କାର୍ଯ୍ୟାଳୟ ଶୂନଶାନ୍ ରହିଛି।
ଏହା ମଧ୍ୟରେ ବିଜେପିର ଏକ ପୋଷ୍ଟରକୁ ନେଇ ଏବେ ଚର୍ଚ୍ଚା ଜୋର ଧରିଛି। ପୋଷ୍ଟରରେ ଲେଖା ହୋଇଛି ଯେ, ‘ବିଜୟରେ ଆମେ ଅହଂକାରୀ ହୋଇନଥାଉ ଏବଂ ପରାଜୟରେ ନିରାଶ ହୋଇନଥାଉ’। ଏହି ପୋଷ୍ଟରରେ ଅମିତ୍ ଶାହାଙ୍କ ଫଟୋ ରହିଛି। ଏଥିରୁ ଜଣାପଡୁଛି ଯେ ଦିଲ୍ଲୀ ବିଧାନସଭା ନିର୍ବାଚନରେ ବିଜେପି ହାରିବ ବୋଲି ପୂର୍ବାନୁମାନ କରି ସାରିଥିଲା।
୨୦୧୫ ବିଧାନସଭା ନିର୍ବାଚନରେ ଆପ୍ ଦିଲ୍ଲୀରେ ସରକାର ଗଢିଥିଲା। ୭୦ଟି ଆସନରୁ ଆପ୍ ୬୭ଟି ଆସନରେ ଜିତି ଥିବା ବେଳେ ବିଜେପି କେବଳ ୩ଟି ଆସନ ହାସଲ କରିଥିଲା।
Comments are closed.