ଦେବଗଡ଼: ଅଳ୍ପ ଛାତ୍ରଛାତ୍ରୀ ରହିଥିବା ଦର୍ଶାଇ ସରକାର ତିଲେଇବଣି ବ୍ଲକ ଅନ୍ତର୍ଗତ ଛେପିଲିପାଲି ଗ୍ରାମ ପଞ୍ଚାୟତର ଦନାର୍ଦ୍ଦନପାଲି କଲୋନୀ ପ୍ରକଳ୍ପ ପ୍ରାଥମିକ ବିଦ୍ୟାଳୟକୁ ଉଚ୍ଛଦ କରି ୫କି.ମି. ଦୂରବର୍ତ୍ତୀ କଦମଦର୍ହ ଗ୍ରାମରେ ଥିବା ଦନାର୍ଦ୍ଦନପାଲି ପ୍ରାଥମିକ ବିଦ୍ୟାଳୟରେ ମିଶ୍ରଣ କରିବାକୁ ନିଷ୍ପତ୍ତି ନେଇଛନ୍ତି। ମାତ୍ର ସେଠାକୁ ଯିବାକୁ ହେଲେ ଦନାର୍ଦ୍ଦନପାଲି କଲୋନୀର ଛାତ୍ରଛାତ୍ରୀଙ୍କୁ ୫ କି.ମି. ଜଙ୍ଗଲ ରାସ୍ତା ଏବଂ ଏକ ନଦୀ ପାରିହୋଇ ଯିବାକୁ ପଡ଼ିବ। ଏଣୁ ଏହା ଶିଶୁ ମାନଙ୍କ ପାଇଁ ବିପଦର କାରଣ ହେବ ବୋଲି ଦନାର୍ଦ୍ଦନପାଲି କଲୋନୀ ବାସୀ ଓ ସମ୍ପୃକ୍ତ ବିଦ୍ୟାଳୟ ପରିଚାଳନା କମିଟି ଦର୍ଶାଇବା ସହ ଉକ୍ତ ବିଦ୍ୟାଳୟକୁ ଉଚ୍ଛେଦ ନ କରିବାକୁ ପୂର୍ବରୁ ଗତ ସେପ୍ଟେମ୍ବର ମାସ ୨୯ ତାରିଖରେ ତିଲେଇବଣି ବ୍ଲକର ବ୍ଲକ ଶିକ୍ଷା ଅଧିକାରୀ ଓ ଜିଲା ଶିକ୍ଷା ଅଧିକାରୀଙ୍କ ନିକଟରେ ଲିଖିତ ଗୁହାରୀ କରିଥିଲେ। ଏହା ସତ୍ୱେ ଉକ୍ତ ବିଦ୍ୟଳୟ ଉଚ୍ଛେଦ ନିଷ୍ପତ୍ତିର ପୁନର୍ବିଚାର କରାଯାଇ ନ ଥିବାରୁ ଏହାର ପ୍ରିବାଦରେ ଆଜି ଗ୍ରାମବାସୀ ଓ ବିଦ୍ୟାଳୟ ପରିଚାଳନା କମିଟିର କର୍ମକର୍ତ୍ତା ମାନେ ଆଜି ମିଳିତ ଭାବେ ଉକ୍ତ ବିଦ୍ୟାଳୟରେ ତାଲା ପକାଇଦେଛନ୍ତି। ଏଥିସହ ଆବଶ୍ୟକ କାର୍ଯ୍ୟାନୁଷ୍ଠାନ ଗ୍ରହଣ ନିମନ୍ତେ ଦେବଗଡ ଜିଲାପାଳଙ୍କୁ ଲିଖିତ ଭାବେ ଜଣାଇବା ସହ ଯେତେଦିନ ପର୍ଯ୍ୟନ୍ତ ଏହି ସମ୍ୟାର ସମାଧାନ କରାଯାଇନାହିଁ ସେତେ ଦିନ ପର୍ଯ୍ୟନ୍ତ ଉକ୍ତ ସ୍କୁଲରୁ ତାଲା ଖୋଲାଯିବ ନାହିଁ ଓ ସେମାନେ ରାସ୍ତାରୋକ ଆନ୍ଦୋଳନ କରିବେ ବୋଲି ଲିଖିତ ଚେତାବନୀ ଦେଇଛନ୍ତି। ସେହିପରି ଏହାର ନକଲ ତିଲେଇବଣି ବ୍ଲକର ବ୍ଲକ ଶିକ୍ଷା ଅଧିକାରୀ ଓ ଦେବଗଡ ଜିଲା ଶିକ୍ଷା ଅଧିକାରୀଙ୍କୁ ପ୍ରଦାନ କରିଛନ୍ତି।
Comments are closed.