କୋଲକାତା: ପଶ୍ଚିମବଙ୍ଗର ପୂର୍ବ ବର୍ଧମାନ ଜିଲ୍ଲା କୋର୍ଟ ଜଣେ ୩୮ ବର୍ଷ ବୟସ୍କ ଯୁବକଙ୍କୁ ବଳାତ୍କାର ଓ ହତ୍ୟା ମାମଲାରେ ଦୋଷୀ ସାବ୍ୟସ୍ତ କରିଛନ୍ତି। ସଂପୃକ୍ତ ଯୁବକ ୫ ଜଣ ମହିଳାଙ୍କୁ ବଳାତ୍କାର ପରେ ସାଇକେଲ ଚେନରେ ତଣ୍ଟି ଚିପି ହତ୍ୟା କରିଥିବା ଅଭିଯୋଗରେ ଅଭିଯୁକ୍ତ ହୋଇଥିଲା । ମୁଖ୍ୟତଃ ହତ୍ୟାରେ ସେ ସାଇକେଲ ଚେନ୍ ବ୍ୟବହାର କରୁଥିବାରୁ ତାକୁ ‘ଚେନ-କିଲର’ ଆଖ୍ୟା ଦିଆଯାଇଥିଲା ।
ସିରିଏଲ୍ ଚେନ୍ କିଲର ଭାବରେ କାମାରୁଜମାନ ସରକାର ନାମକ ଏହି ଯୁବକ ପ୍ରଥମେ ନିଜ ଶିକାରକୁ ଠାବ କରୁଥିଲେ । ଏହାପରେ ସେ ମିଟର ଚେକିଂ ବାହାନାରେ ଘରେ ପଶୁଥିଲେ । ମହିଳା ଜଣକ ତାଙ୍କ ଘରେ ଏକୁଟିଆ ଅଛନ୍ତି ବୋଲି ନିଶ୍ଚିତ ହେବା ପରେ ସେମାନଙ୍କୁ ଚେନରେ ତଣ୍ଟିଚିପି ହତ୍ୟା କରୁଥିଲେ । କିଛି କ୍ଷେତ୍ରରେ ସେ ମହିଳାଙ୍କୁ ଶାରୀରିକ ଶୋଷଣ କରିଥିବା ଓ ଘରୁ ସାମଗ୍ରୀ ଚୋରି କରିଥିବା ଦେଖା ଯାଇଥିଲା । ମାତ୍ର ବାସ୍ତବରେ ଏହା ତାଙ୍କର ମୁଖ୍ୟ ଲକ୍ଷ୍ୟ ନ ଥିଲା ।
ଅତିରିକ୍ତ ଜିଲ୍ଲା ତଥା ଅଧିବେଶନ ବିଚାରପତି ତପନ କୁମାର ମଣ୍ଡଳ ଏହି ମାମଲାରେ ଅଭିଯୁକ୍ତଙ୍କୁ ଫାଶୀ ଦଣ୍ଡରେ ଦଣ୍ଡିତ କରିଥିଲେ । କାମରୁଜମାନ ସରକାର ବିବାହିତ ଓ ତାଙ୍କର ୨ ପୁଅ, ଗୋଟିଏ ଝିଅ ଅଛନ୍ତି । ସେ ସ୍କ୍ରାପ କାରବାର କରନ୍ତି । ସରକାର ବିରୋଧରେ ପାଞ୍ଚଜଣ ମହିଳାଙ୍କୁ ବଳାତ୍କାର ଓ ହତ୍ୟା ମାମଲା ରୁଜୁ ହୋଇଛି ଓ ୫ଟି ଅଦାଲତରେ ତାହାର ବିଚାର ଚାଲିଛି । ୨୦୧୫ରୁ ୨୦୧୯ ମସିହା ମଧ୍ୟରେ ସେ ଏହି ଅପରାଧ ଘଟାଇଛି । ତେବେ ତାଙ୍କ ଓକିଲ କାମରୁଜମାନକୁ ନିର୍ଦୋଷ ଓ ମୃତ୍ୟୁଦଣ୍ଡ ବିରୋଧରେ ହାଇକାର୍ଟରେ ଆବେଦନ କରିବେ ବୋଲି କହିଛନ୍ତି ।
Comments are closed.