ହାଇଦ୍ରାବାଦ: ତେଲେଙ୍ଗାନାର ରାଜଧାନୀ ହାଇଦ୍ରାବାଦରେ ଗତ ସୋମବାର ଦୁଇଟି ଟ୍ରେନ ମୁହାଁମୁହିଁ ଧକ୍କା ହୋଇଥିବା ଘଟଣାରେ ଗୁରୁତର ହୋଇଥିବା ଲୋକାଲ୍ ଟ୍ରେନ୍ର ୩୧ ବର୍ଷିୟ ଡ୍ରାଇଭର୍ ଏଲ୍ ଚନ୍ଦ୍ରଶେଖରଙ୍କ ମୃତ୍ୟୁ ହୋଇଛି। ଶନିବାର ରାତିରେ ତାଙ୍କର ମୃତ୍ୟୁ ଘଟିଥିବା ଡାକ୍ତର କହିଛନ୍ତି।
ମିଳିଥିବା ସୂଚନା ଅନୁଯାୟୀ, ଟ୍ରେନ୍ ଦୁର୍ଘଟଣା ପରେ ଏଲ୍ ଚନ୍ଦ୍ରଶେଖର କ୍ୟାବିନ୍ ମଧ୍ୟରେ ଚାପି ହୋଇଯାଇଥିଲେ। ଏନ୍ଡିଆର୍ଏଫ୍ ଟିମ୍ ପ୍ରାୟ ଆଠଘଣ୍ଟା ପରିଶ୍ରମ କରି ଚାପି ହୋଇଥିବା କ୍ୟାବିନ ମଧ୍ୟରୁ ତାଙ୍କୁ ଉଦ୍ଧାର କରିଥିଲେ। ସେତେବେଳକୁ ତାଙ୍କର ଜୀବନ ଥିଲା ସତ କିନ୍ତୁ ଶରୀରର ହାଡ ଗୁଡିକ ଭାଙ୍ଗି ଯାଇଥିଲା। ଚିକିତ୍ସା ନିମନ୍ତେ ତାଙ୍କୁ ନାମପାଲ୍ଲୀସ୍ଥିତ କେୟାର୍ ହସ୍ପିଟାଲ୍ରେ ଭର୍ତ୍ତି କରାଯାଇଥିଲା। ଚନ୍ଦ୍ରଶେଖରଙ୍କର ଡାହଣ ଗୋଡର ହାଡ ଚୂନା ହୋଇ ଯାଇଥିବାରୁ ଗୁରୁବାର ଦିନ ଡାକ୍ତରମାନେ ସେହି ଗୋଡଟିକୁ କାଟିବାକୁ ବାଧ୍ୟ ହୋଇଥିଲେ। ହସ୍ପିଟାଲ୍ରେ ଭର୍ତ୍ତି ହେବା ଦିନରୁ ତାଙ୍କୁ ଭେଣ୍ଟିଲେଟର୍ରେ ରଖାଯାଇଥିଲା। ସମ୍ପୂର୍ଣ୍ଣ ଶରୀରକୁ ସଂକ୍ରମଣ ବ୍ୟାପି ଯିବାରୁ ଶନିବାର ତାଙ୍କର ମୃତ୍ୟୁ ହୋଇଛି ବୋଲି କେୟାର୍ ହସ୍ପିଟାଲ୍ ପକ୍ଷରୁ ସୂଚନା ଦିଆଯାଇଛି।
Comments are closed.