ମୋହନାରେ ଚାଞ୍ଚଲ୍ୟ; ଗୋଟିଏ ଘରୁ ସ୍ବାମୀ-ସ୍ତ୍ରୀଙ୍କ ମୃତଦେହ ଉଦ୍ଧାର

ଚାନ୍ଦିପୁଟ: ଗଜପତି ଜିଲା ମୋହନା ଥାନା ଅନ୍ତର୍ଗତ ଚନ୍ଦ୍ରଗିରି ଏକଲବ୍ୟ ମଡେଲ ସ୍କୁଲ ନିକଟସ୍ଥ ଚନ୍ଦନପୁର ବସ୍ତିରେ ବୁଧବାର ଏକ ଚାଞ୍ଚଲ୍ୟକର ଘଟଣା ଘଟିଯାଇଛି। ଏକ ଚାଳ ଘରୁ ଉଭୟ ସ୍ବାମୀ ଓ ସ୍ତ୍ରୀଙ୍କ ମୃତଦେହ ଉଦ୍ଧାର କରାଯାଇଛି । ସ୍ତ୍ରୀ ର ଗଳାକଟା ମୃତଦେହ ଏବଂ ସ୍ବାମୀର ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର କରାଯାଇଛି । ମୃତକମାନେ ହେଲେ ଚନ୍ଦନପୁର ବସ୍ତିର ବଚ୍ଚନ ଉଠାଣସିଂ (ସ୍ବାମୀ) ଏବଂ ସୁମିତ୍ରା ଉଠାଣସିଂ (ସ୍ତ୍ରୀ)। ଘଟଣାସ୍ଥଳରେ ମୋହନା ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି। ପୁଲିସ ସେହି ଘରୁ ଏକ ଟାଙ୍ଗିଆ ଜବତ କରିଛି। ତେବେ ଉଭୟଙ୍କ ମୃତ୍ୟୁର କାରଣ ଏପର୍ଯ୍ୟନ୍ତ ଜଣାପଡିନାହିଁ। କେହି ଦୁର୍ବୃତ୍ତ ଉଭୟ ସ୍ବାମୀ ଓ ସ୍ତ୍ରୀକୁ ହତ୍ୟା କରିଛି କିମ୍ବା ସ୍ତ୍ରୀକୁ ଗଳା କାଟି ହତ୍ୟା କରିବା ପରେ ସ୍ବାମୀ ଆତ୍ମହତ୍ୟା କରିଛନ୍ତି ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ ।

Comments are closed.