ନବବଧୂକୁ ଯୌତୁକ ପାଇଁ ହତ୍ୟା ଅଭିଯୋଗ, ସ୍ୱାମୀ ଓ ଦିଅର ଗିରଫ 

ବେଗୁନିଆ : ବେଗୁନିଆ ଥାନା କଡବ ପଂଚାୟତ ଅନ୍ତର୍ଗତ ଚଟୁଆ ଗ୍ରାମରେ ଏକ ନବ ବିବାହିତା ବଧୂକୁ ଯୌତୁକ ପାଇଁ ହତ୍ୟା କରାଯାଇଥିବା ବେଗୁନିଆ ଥାନାରେ ଅଭିଯୋଗ ହୋଇଛି l କଟକ ଜିଲ୍ଲା ବାଙ୍କୀ ଥାନା ତାଳବସ୍ତ ପଂଚାୟତ ଅନ୍ତର୍ଗତ ରାଉତରାପୁର ଗ୍ରାମର ପ୍ରମୋଦ କୁମାର ସାହୁଙ୍କ ଝିଅ ଅର୍ଣ୍ଣପୂର୍ଣା ବେଗୁନିଆ ଥାନା ଅନ୍ତର୍ଗତ ଚଟୁଆ ଗ୍ରାମର ରାଜେଶ କୁମାର ସାହୁଙ୍କୁ ଗତ ୯ ମାସ ତଳେ ବିବାହ କରିଥିଲେ l ବିବାହର କିଛି ମାସ  ସେମାନେ ସୁଖ ଶାନ୍ତିରେ ସେମାନଙ୍କର ସମୟ ଅତିବାହିତ କରିବା ପରେ ଅର୍ଣ୍ଣପୂର୍ଣାଙ୍କୁ ଶାଶୁ ଘର ଲୋକେ ଯୌତୁକ ପାଇଁ ଶାରୀରିକ ଓ ମାନସିକ ନିର୍ଯ୍ୟାତନା ଦେଇଥିଲେ l ଯୌତୁକ ଟଙ୍କା ନ ପାଇବାରୁ ଶାଶୁଘର ଲୋକମାନେ ଅର୍ଣ୍ଣପୂର୍ଣାଙ୍କୁ ମାରି ଦେଇଥିବା ନେଇ ତାଙ୍କ ବାପା ବେଗୁନିଆ ଥାନାରେ ଅଭିଯୋଗ କରିଛନ୍ତି l ବେଗୁନିଆ ପୁଲିସ ଅଭିଯୋଗ ପାଇ ଘଟଣା ସ୍ଥଳରେ ପହଂଚି ଶବ ଜବତ କରି ଖୋର୍ଦ୍ଧା ମୁଖ୍ୟ ଚିକିତ୍ସାଲୟକୁ ବ୍ୟବଛେଦ ପାଇଁ ପଠାଇବା ସହିତ ଅର୍ଣ୍ଣପୂର୍ଣାଙ୍କ ସ୍ୱାମୀ ରାଜେଶ କୁମାର ସାହୁ ଏବଂ ଦିଅର ବିଷ୍ଣୁ ସାହୁଙ୍କୁ ୧୬୭/୨୦ ନମ୍ବର କେଶରେ ଗିରଫ କରି କୋର୍ଟ ଚାଲାଣ କରିଛି l 
Comments
Loading...