‘ରାତ୍ର ଧମାକା’ କ୍ରିକେଟ୍ ଟୁର୍ଣ୍ଣାମେଣ୍ଟ, ‘ସୁଟିଂ ଷ୍ଟାର’ ଦଳ ଚମ୍ପିୟନ

ଭୁବନେଶ୍ୱର/ବଇଁଚୁଆ: ଭୁବନେଶ୍ୱର ଉପକଣ୍ଠ ବଇଁଚୁଆ ଗ୍ରାମରେ ସ୍ଥାନୀୟ ପଲ୍ଲୀପ୍ରଭା ଯୁବ ପରିଷଦ ଆନୁକୂଲ୍ୟରେ ପ୍ରଥମ ‘ରାତ୍ର ଧମାକା’ କ୍ରିକେଟ୍ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି। ଏଥିରେ ଗ୍ରାମର ୬ଟି ଟିମ୍ ଅଂଶ ଗ୍ରହଣ କରିଥିଲେ। ଫାଇନାଲ ମ୍ୟାଚ୍‌ରେ ‘ସୁଟିଂ ଷ୍ଟାର’ ଦଳ ବିଜେତା ସହ ଚମ୍ପିୟନ ହୋଇଥିଲା। ସେହିପରି ‘ସନ୍-୧୧ ଟାଇଗର’ ଉପ ବିଜେତା ଓ ରନର୍ସଅପ୍‌ ହୋଇଥିଲେ। ଯୁବ ଖେଳାଳୀ ମଧୁର ସାହୁ ‘ ମାନ୍ ଅଫ୍ ଦ ସିରିଜ୍’ ଏବଂ ଫାଇନାଲ ମ୍ୟାଚ୍ରେ ପ୍ରମୋଦ ଜେନା ‘ମ୍ୟାନ୍ ଅପ୍ ଦି ମ୍ୟାଚ୍’ ଘୋଷିତ ହୋଇଥିଲେ। ଶ୍ରେଷ୍ଠ ବ୍ୟାଟ୍ସ ମ୍ୟାନ୍ ଭାବେ ଚନ୍ଦନ ଭୋଇ ଏବଂ ଶ୍ରେଷ୍ଠ ବୋଲର ଭାବେ ଅଶୋକ ସାହୁ କପ୍ ଜିତିଥିଲେ।


ଯୁବ ପରିଷଦର ସଭ୍ୟ ପ୍ରଦୀପ୍ତ ସାହୁ ଟୁର୍ଣ୍ଣାମେଣ୍ଟ ଆୟୋଜନ କରିଥିବା ବେଳେ ପ୍ରଥମ ଦିନ ଯୁବ ପରିଷଦର ଉପଦେଷ୍ଟା ଜନାର୍ଦ୍ଦନ ସାହୁ ମୁଖ୍ୟ ଅତିଥି ଭାବେ ଯୋଗ ଦେଇ ଏହାର ଉଦ୍‌ଘାଟନ କରିଥିଲେ। ଏହି ଅବସରରେ ପରିଷଦର ବରିଷ୍ଠ ସଦସ୍ୟମାନଙ୍କୁ ସମ୍ମାନିତ କରାଯାଇଥିଲା। ଯୁବ ପରିଷଦର ପ୍ରତିଷ୍ଠାତା ଚୈତନ୍ୟ ସାହୁ ଓ ଲକ୍ଷ୍ମୀଧର ସାହୁ ପ୍ରତୀକାତ୍ମକ ଭାବେ ଯଥାକ୍ରମେ ବ୍ୟାଟିଂ ଓ ବୋଲିଂ କରି ମ୍ୟାଚ୍ ଆରମ୍ଭ କରିଥିଲେ। ଯୁବ ପରିଷଦର ସଭ୍ୟ ସରୋଜ କୁମାର ସାହୁ କାର୍ଯ୍ୟକ୍ରମ ପରିଚାଳନା କରିଥିବା ବେଳେ ବରିଷ୍ଠ ସଦସ୍ୟ ଲକ୍ଷ୍ମୀଧର ସାହୁ ଓ ପ୍ରଫୁଲ୍ଲ କୁମାର ସାହୁ ବିଜେତା ଏବଂ ଉପ ବିଜେତା ଦଳକୁ ଟ୍ରଫି ପ୍ରଦାନ କରିଥିଲେ। ଶେଷରେ ‘ସୁଟିଂ ଷ୍ଟାର’ ଟିମ୍‌ର ଅଧିନାୟକ ଟୁନିଆ ସାହୁ ଓ ସନ୍-୧୧ ଟିମ୍‌ର ଅଧିନାୟକ ସୂର୍ଯ୍ୟକାନ୍ତ ସାହୁ ଧନ୍ୟବାଦ ଅର୍ପଣ କରିଥିଲେ।

Comments
Loading...