ପାକିସ୍ତାନରେ ୩ଟି ଘରର ମାଲିକ ଦାଉଦ୍‍:ବ୍ରିଟେନ

0

ନୂଆଦିଲ୍ଲୀ: ଭାରତର କୁଖ୍ୟାତ ଅପରାଧୀ ଦାଉଦ ଇବ୍ରାହିମ୍‍ ପାକିସ୍ତାନର କରାଚୀରେ ୩ଟି ବିଶାଳ ଅଟ୍ଟାଳିକାର ମାଲିକ ବୋଲି ବ୍ରିଟେନ ପକ୍ଷରୁ ଜାରି ରିପୋର୍ଟରେ ପ୍ରକାଶ କରାଯାଇଛି। ଏତେ ଦିନ ଭାରତ କହୁଥିଲା, ପାକିସ୍ତାନ ଖଣ୍ଡନ କରୁଥିଲା। ଏବେ କିନ୍ତୁ ବ୍ରିଟେନ ପରି ରାଷ୍ଟ୍ର ଦାଉଦର ଠିକଣା ସହ ପ୍ରମାଣ ଦେଲା ଯେ ଦାଉଦ୍‍ ପାକିସ୍ତାନରେ। ଏଭଳି ତଥ୍ୟ ସାମ୍ନାକୁ ଆସିଛି ପୁଣି ଯେତେବେଳେ ଖୋଦ୍‍ ଦାଉଦ କୁଆଡ଼େ ଭାରତ ଫେରିବାକୁ ଆଗ୍ରହ ପ୍ରକାଶ କରୁଛି ବୋଲି ତାଙ୍କ ଭାଇ ଇକବାଲ କାସ୍କରର ଆଇନଜୀବୀ ଗଣମାଧ୍ୟମରେ ସୂଚନା ଦେଇଛନ୍ତି। ଏଥି ନିମନ୍ତେ ଦାଉଦ କେତେକ ସର୍ତ୍ତ ମଧ୍ୟ ରଖିଛନ୍ତି। ଦାଉଦ ଇବ୍ରାହିମ ଭାରତ ଆସିଲେ ତାକୁ ବିଚାର ବିଭାଗୀୟ ହାଜତରେ ରହିବାକୁ ପଡ଼ିବ ନିଶ୍ଚିତ। ହେଲେ ଦାଉଦ କେବଳ ଆର୍ଥର ରୋର୍ଡ଼ ଜେଲରେ ହିଁ ରହିବାକୁ ଚାହୁଁଛନ୍ତି। ବ୍ରିଟେନ ଦ୍ୱାରା ପ୍ରଦତ୍ତ ୩ଟି ଠିକଣା ହେଲା:

House No 37, 30th Street – defence, Housing Authority, Karachi
Palatial bungalow in the hilly area in Noorabad, Karachi
White House, Near Saudi Mosque, Clifton, Karachi.

ଏପରିକି ବ୍ରିଟେନ ଭାରତର ଦ୍ୱାରା ଜାରି କରାଯାଇ ଥିବା ସମସ୍ତ ତଥ୍ୟକୁ ସତ୍ୟ ବୋଲି ଦର୍ଶାଇଛି। ଦାଉଦର ଜନ୍ମସ୍ଥାନ ମହାରାଷ୍ଟ୍ରର ରତ୍ନାଗିରି ବୋଲି ରିପୋର୍ଟରେ ଉଲ୍ଲେଖ କରାଯାଇ ଥିବାବେଳେ ତାଙ୍କ ପିତାଙ୍କ ନାମ ସେଖ ଇବ୍ରାହିମ ଅଲ୍ଲୀ କାସକର ବୋଲି ବ୍ରିଟେନ ଉଲ୍ଲେଖ କରିଛି।

Comments
Loading...