ରୁପି ଦୂରେଇବାର ଘରୋଇ ଉପାୟ

ଶୀତଦିନେ ଆରମ୍ଭ ହେଉଥିବା କେଶର ରୁପି ସମସ୍ୟା ବାବଦରେ ସତର୍କ ହୋଇଯିବା ଉଚିତ। ଯଥା ସମୟରେ ରୁପି ଦୂର କରିବା ନିମନ୍ତେ ଉପଚାର ନ କଲେ, ପରେ ଏହା କାରଣରୁ ମାତ୍ରାଧିକ କେଶ ଝଡ଼ା ହୋଇଥାଏ।

ଦିନକୁ ୪-୫ଥର ନିମ୍ବ କିମ୍ବା ଶିଙ୍ଗ ପାନିଆରେ କେଶ କୁଣ୍ଡାଇବା ଉଚିତ। ଏହି ପାନିଆ କେଶ ସଂକ୍ରମଣକୁ ଅନେକାଂଶରେ କମ୍ କରୁଥିବାର ସୌନ୍ଦର୍ଯ୍ୟ ବିଶେଷଜ୍ଞଙ୍କ ମତ।
ଆପଣ ଯଦି ଚିନି ଅଧିକ ପରିମାଣରେ ଖାଉଛନ୍ତି, କମ୍ କରିବା ଜରୁରୀ। ଚିନି ଖାଇବା କାରଣରୁ ରକ୍ତଶର୍କରା ଅଧିକ ହୋଇ ତୈଳ ଗୁଚ୍ଛ କେଶମୂଳରେ ହୋଇଥାଏ ଓ ରୁପି ହୁଏ। ଚିନି ପରିବର୍ତ୍ତେ ଗୁଡ଼ କିମ୍ବା ମହୁ ଖାଇବା କେଶ ଉପରେ ଉତ୍ତମ ପ୍ରଭାବ ପକାଇଥାଏ।
ନିଜ ଖାଦ୍ୟ ତାଲିକାରେ ଅଣ୍ଡା, ମାଛ, ଓମେଗା ଥ୍ରୀ ଏସିଡ୍ ଭରପୂର ଖାଦ୍ୟପାନୀୟ ସହ ପାଳଙ୍ଗ ଶାଗ ସାମିଲ କରନ୍ତୁ। ଏସବୁ କେଶମୂଳକୁ ଶକ୍ତ କରେ ଓ ରୁପି ମଧ୍ୟ ହୁଏନାହିଁ।
କେଶ ଶୁଖାଇବା ସମୟରେ ସୂତା କପଡ଼ା ବ୍ୟବହାର କରନ୍ତୁ। ଅନ୍ୟ କପଡ଼ା ଯେପରି ସିନ୍ଥେଟିକ୍, ସାଟିନ୍ ଇତ୍ୟାଦି କପଡ଼ା କେଶଝଡ଼ାର ମୁଖ୍ୟ କାରଣ ପାଲଟିଥାଏ।

Comments are closed.