ଜନଜାତି ସୁରକ୍ଷା ମଞ୍ଚ ପକ୍ଷରୁ ଦାବିପତ୍ର ପ୍ରଦାନ

ଧର୍ମାନ୍ତରିତ ଲୋକଙ୍କୁ ଅନୁସୂଚିତ ଜନଜାତି ମାନ୍ୟତା ନମିଳୁ

ନବରଙ୍ଗପୁର: ନବରଙ୍ଗପୁର ଜନଜାତି ସୁରକ୍ଷା ମଞ୍ଚ ପକ୍ଷରୁ ପ୍ରଧାନମନ୍ତ୍ରୀ ଓ ରାଜ୍ୟପାଳଙ୍କ ଉଦ୍ଦେଶ୍ୟରେ ଜିଲାପାଳଙ୍କ ଜରିଆରେ ଦାବିପତ୍ର ପ୍ରଦାନ କରାଯାଇଛି। ଜିଲାପାଳଙ୍କର କାର୍ଯ୍ୟାଳୟରେ ସହକାରୀ ଜିଲାପାଳ ଅନାମିକା ପାଣ୍ଡେ ଦାବୀପତ୍ର ଗ୍ରହଣ କରିଛନ୍ତି। ଧର୍ମାନ୍ତରିତ ଜନଜାତିଙ୍କୁ ଅନୁସୂଚିତ ଜନଜାତି ତାଲିକାରୁ ବାଦ ଦେଇ ତାଙ୍କୁ ଦିଆଯାଇଥିବା ସଂରକ୍ଷଣ ରଦ୍ଦ କରାଯିବାକୁ ଦାବୀରେ ଜଣାଇଛନ୍ତି। ୧୯୭୦ ମସିହାରେ ତତ୍‍କାଳୀନ କେନ୍ଦ୍ରମନ୍ତ୍ରୀ ସ୍ୱର୍ଗତ କାର୍ତ୍ତିକ ଓରାମଙ୍କ ଦ୍ୱାରା ତତ୍‍କାଳୀନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧିଙ୍କୁ ସ୍ମାରକପତ୍ର ଦିଆଯାଇଥିଲା। ୨୩୫ ଲୋକସଭା ସଦସ୍ୟଙ୍କ ହସ୍ତାକ୍ଷର କରାଯାଇଥିବା ସେହି ସ୍ମାରକପତ୍ର ସମ୍ବନ୍ଧରେ ସ୍ୱର୍ଗତ କାର୍ତ୍ତିକ ଓରାମଙ୍କ ଜନ୍ମ ଦିନରେ ସରକାରଙ୍କୁ ପୁନଃସ୍ମରଣ କରାଇବା ଆବଶ୍ୟକ ହୋଇଛି। ଏହି ସ୍ମାରକପତ୍ର ୧୯୬୭ର ଅନୁସୂଚିତ ଜାତି ଓ ଜନଜାତି ଆଦେଶ (ସଂଶୋଧନ) ବିଧେୟକ ସଂଯୁକ୍ତ ସଂସଦୀୟ ସମିତିର ସୁପାରିସ ଅନୁସାରେ ପ୍ରସ୍ତୁତ କରାଯାଇଥିଲା। କୌଣସି ବ୍ୟକ୍ତି ଯିଏ ଜନଜାତି ମତ ତଥା ବିଶ୍ୱାସକୁ ପରିତ୍ୟାଗ କରି ଦେଇଛନ୍ତି। ଖ୍ରୀଷ୍ଟିୟାନ ବା ମୁସଲମାନ ଧର୍ମ ଗ୍ରହଣ କରିନେଇଛନ୍ତି। ସେମାନଙ୍କୁ ଅନୁସୂଚିତ ଜନଜାତିର ସଦସ୍ୟ ଭାବେ ଗ୍ରହଣ କରାନଯାଉ। କୌଣସି ବ୍ୟକ୍ତି ଶିଖ କିମ୍ବା ହିନ୍ଦୁ ଧର୍ମକୁ ଛାଡି ଅନ୍ୟ କୌଣସି ଧର୍ମ ଗ୍ରହଣ କରନ୍ତି ତାହା ହେଲେ ସେ ଅନୁସୂଚିତ ଜାତିର ନୁହନ୍ତି। ବାସ୍ତବରେ ଜନଜାତି ସହ ହୋଇଥିବା ଏହି ଅନ୍ୟାୟ ବିରୋଧରେ ଜନଜାତି ସୁରକ୍ଷା ମଞ୍ଚ ବର୍ଷ ବର୍ଷ ଧରି ସଂଘର୍ଷ କରି ଆସୁଛି। ଏପର୍ଯ୍ୟନ୍ତ ସରକାରୀ ବହୁତ ସୁବିଧା ଧର୍ମାନ୍ତରିତ ଲୋକଙ୍କର ଦ୍ୱାରା ଉପଭୋଗ କରାଯାଉଛି। ତେବେ ଏହି ସ୍ମାରକପତ୍ରକୁ ବହୁ ବିଳମ୍ବ ହୋଇଥିଲେ ମଧ୍ୟ କାର୍ଯ୍ୟକାରୀ କରିବାକୁ ଦାବୀ କରାଯାଇଛି। ଦୀର୍ଘ ପାଞ୍ଚଦଶନ୍ଧି ଧରି ରହିଥିବା ଏହି ସମସ୍ୟାର ସମାଧାନ ପାଇଁ ପ୍ରାଥମିକତା ଆଧାରରେ ଅନୁସୂଚିତ ଜନଜାତି ସହ ହୋଇଥିବା ଏହି ଅନ୍ୟାୟକୁ ସବୁଦିନ ପାଇଁ ସମାପ୍ତ କଲେ ଧର୍ମପରିବର୍ତ୍ତିତ ଲୋକଙ୍କୁ ଅନୁସୂଚିତ ଜନଜାତି ତାଲିକାରୁ ଅଲଗା କରିବା କରିବା ପାଇଁ ଶିଘ୍ର ଆବଶ୍ୟକ ସଂଶୋଧନ କରନ୍ତୁ। ଯାହା ଦ୍ୱାରା ବାସ୍ତବିକ ଜନଜାତିଙ୍କ ଜୀବନରେ ୭୩ ବର୍ଷର ଘଟିଥିବା ଅନ୍ଧକାର ଦୂର ହୋଇପାରିବ ବୋଲି ଜଣାଇଛନ୍ତି। ଦାବୀପତ୍ର ପ୍ରଦାନ ସମୟରେ ଜନଜାତି ସୁରକ୍ଷା ମଞ୍ଚର ସଭାପତି ଗୋପିନାଥ ମାଝୀ, ସାଧାରଣ ସମ୍ପାଦକ ରତନ ମାଝୀ, ବିଜେପି ନେତା ଗୌରୀ ଶଙ୍କର ମାଝୀ, ଝରିଗାଁ ଜନଜାତି ମଞ୍ଚ ସଭାପତି ଘନ ମାଝୀ, ପ୍ରଫୁଲ ଜାନୀ, ରୁନା ମାଝୀ, ମହେଶ୍ୱର ମାଝୀ, ଚନ୍ଦନ ଭତରା, ପିଣ୍ଟୁ ସମରଥ ସମେତ ଜନଜାତି ସୁରକ୍ଷା ମଞ୍ଚର ସଦସ୍ୟମାନେ ଯୋଗ ଦେଇଥିଲେ।

 

Comments are closed.