କ୍ରିକେଟ ବିଶ୍ୱକପ୍‍ : ଅଷ୍ଟ୍ରେଲିଆର ବିଶାଳ ସ୍କୋର, ଶ୍ରୀଲଙ୍କା ପାଇଁ ୩୩୫ରନର ବିଜୟ ଲକ୍ଷ୍ୟ

ଲଣ୍ଡନ : କ୍ରିକେଟ ବିଶ୍ୱକପରେ ଲଣ୍ଡନର କେନିଙ୍ଗଟନ ଓଭାଲ କ୍ରିକେଟ ଗ୍ରାଉଣ୍ଡରେ ଖେଳାଯାଉଥିବା ଶନିବାରର ପ୍ରଥମ ମ୍ୟାଚରେ ଅଷ୍ଟ୍ରେଲିଆ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୫୦ଓଭରରେ ୭ ୱିକେଟ୍‍ ହରାଇ ୩୩୪ ରନ ସଂଗ୍ରହ କରିଛି। ଏହି ମ୍ୟାଚରେ ଶ୍ରୀଲଙ୍କା ଟସ୍‍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା। କଙ୍ଗାରୁ ଦଳ ପ୍ରଥମେ ବ୍ୟାଟିଂ କରି ଶ୍ରୀଲଙ୍କା ପାଇଁ ରଖିଥିବା ୩୩୫ରନର ବିଜୟ ଲକ୍ଷ୍ୟରେ ବିଶେଷ ଅବଦାନ ଅଧିନାୟକ ଆରୋନ ଫିଞ୍ଚଙ୍କର ରହିଛି। ଫିଞ୍ଚ ୧୩୨ବଲ ଖେଳି ୧୫୩ରନ ସଂଗ୍ରହ କରିଛନ୍ତି। ଯେଉଁଥିରେ ତାଙ୍କର ୧୫ଟି ଚୌକା ଏବଂ ୫ଟି ଛକା ସାମିଲ ରହିଛି।
ସେହିଭଳି ଷ୍ଟିଭ ସ୍ମିଥ୍‍ ୫୯ବଲରୁ ୭ଟି ଚୌକା ଏବଂ ଗୋଟିଏ ଛକା ସହାୟତାରେ ୭୩ରନ, ମ୍ୟାକ୍ସୱେଲ ୨୫ବଲରୁ ୧ଟି ଛକା ୫ଟି ଚୌକା ସହାୟତାରେ ଦ୍ରୁତ ୪୬ରନ କରିଛନ୍ତି।