କ୍ରିକେଟ ବିଶ୍ୱକପ : ଜୋ ରୁଟଙ୍କ ଶତକ, ଇଂଲଣ୍ଡର ସହଜ ବିଜୟ

ସାଉଥ୍ଆମ୍ପଣ୍ଟଟନ୍(ଇଂଲଣ୍ଡ) : ଆଇସିସି କ୍ରିକେଟ ବିଶ୍ୱକପ୍-୨୦୧୯ରେ ଶୁକ୍ରବାର ଇଂଲଣ୍ଡର ସାଉଥ୍ଆମ୍ପଣ୍ଟଟନ୍ କ୍ରିକେଟ ଗ୍ରାଉଣ୍ଡରେ ଘରୋଇ ଇଂଲଣ୍ଡ ଓ ୱେଷ୍ଟଇଣ୍ଡିଜ ମଧ୍ୟରେ ଖେଳାଯାଇଥିବା ମ୍ୟାଚରେ ଇଂଲଣ୍ଡ ୱେଷ୍ଟଇଣ୍ଡିଜକୁ ଏକତରଫାଭାବେ ହରାଇଛି। ଏହି ମ୍ୟଚରେ ଇଂଲଣ୍ଡ ପ୍ରଥମେ ଟସ୍ ଜିତି ୱେଷ୍ଟଇଣ୍ଡିଜକୁ ବ୍ୟାଟିଂ ପାଇଁ ଆମନ୍ତ୍ରିତ କରିଥିଲା। ୱେଷ୍ଟଇଣ୍ଡିଜ୍ ପ୍ରଥମେ ବ୍ୟାଟିଂ କରି ମାତ୍ର ୪୪ଓଭର ୪ଟି ବଲ ଖେଳି ୨୧୨ରନ କରି ଅଲଆଉଟ ହୋଇଯାଇଥିଲା। ୱେଷ୍ଟଇଣ୍ଡିଜର ୨୧୩ରନର ବିଜୟ ଲକ୍ଷ୍ୟକୁ ପିଛା କରି ଇଂଲଣ୍ଡ ୩୩ଓଭର ଗୋଟିଏ ବଲ ଖେଳି ମାତ୍ର ୨ୱିକେଟ ହରାଇ ହାସଲ କରିନେଇଛି। ଜୋ ରୁଟଙ୍କ ଶତକ ବଳରେ ଇଂଲଣ୍ଡ ଏହି ମ୍ୟାଚକୁ ନିଜ ନାମରେ କରିବାରେ ସକ୍ଷମ ହୋଇଛି।

ଇଂଲଣ୍ଡ ପକ୍ଷରୁ ଜୋ ରୁଟ୍‍ ସର୍ବାଧିକ ୯୪ବଲରୁ ୧୦୦ରନ କରିଥିଲାବେଳେ ଜନି ବେରଷ୍ଟୋ ୪୬ବଲରୁ ୪୫ରନ ଏବଂ କ୍ରିସ ଓକ୍ସ ୫୪ବଲ ଖେଳି ୪୦ରନ କରିଛନ୍ତି।