ସହକାରୀ ଗୋଷ୍ଠୀ ଶିକ୍ଷା ଅଧିକାରୀଙ୍କୁ ବିଦାୟକାଳୀନ ସମ୍ବର୍ଦ୍ଧନା

କଟକ : କଟକ ସଦରର ସହକାରୀ ଗୋଷ୍ଠୀ ଶିକ୍ଷା ଅଧିକାରୀ ତଥା ୟୁଆରସିସି ଅଜୟ କୁମାର ସାହୁ ସୋମବାର ସରକାରୀ ଚାକିରରୁ ଅବସର ଗ୍ରହଣ କରିଛନ୍ତି।  ଏହି ଉପଲକ୍ଷେ ଏକ ବିଦାୟକାଳୀନ ସମ୍ବର୍ଦ୍ଧନା ସଭା ନିରାଡମ୍ବର ଭାବରେ କୋଭିଡ କଟକଣାକୁ ଅନୁପାଳନ କରି କଟକ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟରେ ଅନୁଷ୍ଠିତ ହୋଇଯାଇଛି । ଜଣେ ଦକ୍ଷ ଓ ସଚ୍ଚୋଟ କର୍ମଚାରୀ ଭାବେ ସେ ଅନେକ ଗୁରୁତ୍ବପୂର୍ଣ୍ଣ କାର୍ଯ୍ୟକୁ ସଫଳତାର ସହ ତୁଲାଇ ପାରୁଥିଲେ ବୋଲି ବରିଷ୍ଠ ଅଧିକାରୀ ଓ ଅନ୍ୟ ସହକର୍ମୀମାନେ ମତ ବ୍ୟକ୍ତ କରିବା ସହ ସମସ୍ତେ ତାଙ୍କର ସୁସ୍ଥ ଓ ନିରାମୟ ଜୀବନ କାମନା କରିଛନ୍ତି।

ଏହି ସମ୍ବର୍ଦ୍ଧନା ସଭାରେ କଟକ ଜିଲ୍ଲା ଶିକ୍ଷା ଅଧିକାରୀ କୃଷ୍ଣ ଚନ୍ଦ୍ର ନାୟକ, ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଡ଼ଃ ସନ୍ତୋଷ କୁମାର ରାଉତ, ଦିପ୍ତୀମୟୀ ଶୁଭଦର୍ଶିନୀ, ସୋନାମିକା ରାୟ ତଥା କଟକ ସଦର ଗୋଷ୍ଠୀ ଶିକ୍ଷା ଅଧିକାରୀ ସରସ୍ଵତୀ କାନୁନଗୋ, ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ଅନନ୍ତ ଚରଣ ଦେହୁରୀ, ସରୋଜିନୀ ମିଶ୍ର, କନକଲତା ମହାପାତ୍ର ପ୍ରମୁଖ ଯୋଗ ଦେଇଥିଲେ।

Comments are closed.