ସଂକ୍ରମଣ ଯୋଗୁଁ ପାଦ କୁଣ୍ଡାଇ ହେଉଛି କି ? ଆପଣାନ୍ତୁ ଏହି ଉପାୟ

ଖରା ଦିନେ ଝାଳ କାରଣରୁ ପାଦ କୁଣ୍ଡାଇ ହୋଇଥାଏ। ଏହା ହେବାର ମୁଖ୍ୟ କାରଣ ହେଉଛି ସଂକ୍ରମଣ। ଟେନିୟା ପେଡିସ ନାମକ ଏକ ଫଙ୍ଗଲ୍ସ କାରଣରୁ ପାଦ ଓ ନଖ ପ୍ରଭାବିତ ହୋଇଥାଏ। ଯାହାଦ୍ବାରା ପାଦ ଶୁଷ୍କ ହୋଇ ଅଧିକ କୁଣ୍ଡାଇ ହୋଇଥାଏ। ବେଳେବେଳେ ପାଦରେ ଜଳାପୋଡା ସମସ୍ୟା ଓ ଫାଟିବା ସମସ୍ୟା ଦେଖା ଦେଇଥାଏ। ପାଦରେ ମଶ୍ଚରାଇଜର ଲଗାଇବା ଦ୍ବାରା ଫଙ୍ଗଲ୍ସ ସଂକ୍ରମଣ ହୋଇଥାଏ। ଏହି ସମସ୍ୟାରୁ ରକ୍ଷା ପାଇବା ପାଇଁ ଆମେ କିଛି ଘରୋଇ ଉପାୟ ଆପଣେଇବା ଉଚିତ। ତେବେ ଆସନ୍ତୁ ଜାଣିବା ସେ ସବୁ କ’ଣ ..

ଲୁଣ :

ଲୁଣରେ ଥିବା କେମିକାଲ ପାଦରୁ ଫଙ୍ଗଲ୍ସ ଓ ବ୍ୟାକ୍ଟେରିଆ ନଷ୍ଟ କରି ଦେଇଥାଏ। ଏହାଦ୍ବାରା ପାଦ କୁଣ୍ଡାଇ ହେବା କମ ହୋଇଥାଏ।

ତେଣୁ ଏକ ଟବରେ ଉଷୁମ ପାଣି ରଖି ସେଥିରେ ଲୁଣ ମିଶାଇ ଦିଅନ୍ତୁ। ସେହି ପାଣିରେ ୧୦ରୁ ୧୫ ମିନିଟ ପର୍ଯ୍ୟନ୍ତ ପାଦକୁ ବୁଡାଇ ରଖନ୍ତୁ। ତାପରେ ସଫା ତଉଲିଆରେ ପାଦକୁ ଭଲ ଭାବେ ପୋଛି ଦିଅନ୍ତୁ। ସପ୍ତାହକୁ ୨ରୁ ୩ ଥର ଏପରି କରିବା ଦ୍ବାରା ପାଦ କୁଣ୍ଡାଇ ହେବା ସମସ୍ୟାରୁ ମୁକ୍ତି ମିଳିଥାଏ।

ଦହି :

ଦହିରେ ଉତ୍ତମ ବ୍ୟାକ୍ଟେରିଆ ରହିଛି। ଏହା ସଂକ୍ରମଣ ଜନିତ ସମସ୍ୟାରୁ ମୁକ୍ତି ଦେଇଥାଏ। ତେଣୁ ପାଦରେ ସଂକ୍ରମଣ ହୋଇଥିଲେ ସେଠାରେ ଦହି ଲଗାଇ ୨୦ ମିନିଟ ଛାଡି ଦିଅନ୍ତୁ। ଏହାପରେ ଧୋଇ ଦିଅନ୍ତୁ। ପାଦ ଶୁଖି ଯିବା ପରେ ମଶ୍ଚରାଇଜର ଲଗାନ୍ତୁ। ଏହି ପ୍ରକ୍ରିୟା ସପ୍ତାହକୁ ୨ ଥର କରନ୍ତୁ।

ଭିନେଗାର :

ଭିନେଗାର ଆଣ୍ଟି-ସେପ୍ଟିକ ପରି କାର୍ଯ୍ୟ କରିଥାଏ। ଏହା ପାଦରେ ମଶ୍ଚରାଇଜର ପରି କାର୍ଯ୍ୟ କରିଥାଏ।

ତେଣୁ ଏକ ଟବରେ ଉଷୁମ ପାଣି ନେଇ ସେଥିରେ ୧ ଚାମଚ ଭିନେଗାର ମିଶାନ୍ତୁ। ସେହି ପାଣିରେ ପାଦକୁ ୧୫ମିନିଟ ପର୍ଯ୍ୟନ୍ତ ବୁଡାଇ ରଖନ୍ତୁ। ତାପରେ ପାଦକୁ ଭଲ ଭାବେ ପୋଛି ଦିଅନ୍ତୁ। ଏପରି ସପ୍ତାହକୁ ୨ ଥର କରନ୍ତୁ।

ରସୁଣ :

ରସୁଣରେ ଆଣ୍ଟି-ଇଫ୍ଲେମେଟ୍ରି ଓ ଆଣ୍ଟି-ଫଙ୍ଗଲ ଗୁଣ ରହିଛି। ଏହା ସଂକ୍ରମଣ ଜନିତ ସମସ୍ୟାରୁ ମୁକ୍ତି ଦେଇଥାଏ। ସଂକ୍ରମଣ ଯୋଗୁଁ ପାଦ କୁଣ୍ଡାଇ ହେଉଥିଲେ ପ୍ରଥମେ ରସୁଣକୁ ପେଷି ପେଷ୍ଟ କରି ଦିଅନ୍ତୁ। ତାପରେ ସେଥିରେ ୩ରୁ ୪ ଚାମଚ ମଲ୍ଲୀ ଫୁଲର ତେଲ ପକାଇ ଭଲ ଭାବେ ମିଶାଇ ଦିଅନ୍ତୁ। ଏହି ମିଶ୍ରଣକୁ ପାଦରେ ୩୦ମିନିଟ ଲଗାଇ ଛାଡି ଦିଅନ୍ତୁ। ତାପରେ ପାଦକୁ ସଫା ପାଣିରେ ଧୋଇ ଦିଅନ୍ତୁ। ଏହି ପ୍ରକ୍ରିୟା ପ୍ରତିଦିନ କରନ୍ତୁ।

Comments
Loading...