କରୋନା ସଂକ୍ରମିତ ଚିହ୍ନଟ ପରେ ଅନଲାଇନ ପରୀକ୍ଷା ଦାବି ; ଭୁବନାନନ୍ଦ ଇଂଜିନିୟରିଂ ସ୍କୁଲରେ ଛାତ୍ରଙ୍କ ବିକ୍ଷୋଭ

କଟକ : କଟକରେ ଥିବା ଭୁବନାନନ୍ଦ ଇଂଜିନିୟରିଂ ସ୍କୁଲରେ କରୋନା ସଂକ୍ରମିତ ଚିହ୍ନଟ ପରେ ଅନଲାଇନ ପରୀକ୍ଷା ଦାବିରେ ମଙ୍ଗଳବାର ଛାତ୍ର ଅଶାନ୍ତି ଦେଖାଦେଇଛି। ଆସନ୍ତା କାଲି ଠାରୁ ହେବାକୁ ଥିବା ପରୀକ୍ଷା ବନ୍ଦ କରି ଅଫଲାଇନ ବଦଳରେ ଅନଲାଇନରେ ପରୀକ୍ଷା କରିବାକୁ ଛାତ୍ରଛାତ୍ରୀ ଦାବି କରିଛନ୍ତି।
ସ୍କୁଲର କିଛି ଛାତ୍ର କରୋନା ପଜିଟିଭ ଚିହ୍ନଟ ପରେ କରୋନା ସଂକ୍ରମଣ ବୃଦ୍ଧି ହେବା ଆଶଙ୍କାରେ ଅଭିଯୋଗ କରି ଛାତ୍ରଛାତ୍ରୀ ଆନ୍ଦୋଳନ କରିବା ସହ ମୁଖ୍ୟ ଫାଟକ ସମ୍ମୁଖରେ ଟାୟାର ଜାଳି ବିକ୍ଷୋଭ ପ୍ରଦର୍ଶନ କରିଛନ୍ତି। କରୋନା ପଜିଟିଭ ଚିହ୍ନଟ ହେବା ପରେ କର୍ତ୍ତୃପକ୍ଷ ପରବର୍ତ୍ତୀ ପଦକ୍ଷେପ ନେଇ ନାହାନ୍ତି ବୋଲି ଛାତ୍ରଛାତ୍ରୀ ଅଭିଯୋଗ କରିଛନ୍ତି।

Comments
Loading...