ଏକ ଘରୁ ୪ ମୃତଦେହ ; ମହିଳାଙ୍କ ସହ ତାଙ୍କ ୩ ଶିଶୁଙ୍କ ଗଳା ଦବାଇ ହତ୍ୟା

ଆଗ୍ରା : ଉତ୍ତରପ୍ରଦେଶର ଆଗ୍ରା ମହାନଗରରେ ଗୁରୁବାର ଏକ ହୃଦୟବିଦାରକ ଘଟଣା ଘଟିଥିବା ଜଣାପଡିଛି। ଜଣେ ମହିଳା ଓ ତାଙ୍କ ୩ ଶିଶୁଙ୍କର ଗଳା ଦବାଇ ହତ୍ୟା କରାଯାଇଛି। ଗୁରୁବାର ସକାଳେ ଘରର କବାଟ ଖୋଲା ଥିବାରୁ ସ୍ଥାନୀୟ ଲୋକେ ଘଟଣା ବିଷୟରେ ଜାଣିବାକୁ ପାଇ ପୁଲିସକୁ ଖବର ଦେଇଥିଲେ। ଏହି ଘଟଣା କୋତବାଲୀ ଥାନା ଅନ୍ତର୍ଗତ ଅଞ୍ଚଳର। ଉକ୍ତ ମହିଳା ନିଜ ସ୍ୱାମୀ , ୨ ପୁଅ ଓ ଏକ ଝିଅ ସହ ରହୁଥିଲେ। ମହିଳାଙ୍କର ୩ ଶିଶୁ ମଧ୍ୟରୁ ପୁଅ (୧୨), ଆଉ ଏକ ପୁଅ (୧୦), ଝିଅ ୮ ବର୍ଷର ବୋଲି ଜଣାପଡିଛି। ଆଜି ସକାଳ ସମୟରେ ଅଞ୍ଚଳବାସୀ ମହିଳାଙ୍କ ଘର କବାଟ ଖୋଲା ସହ ଜିନିଷପତ୍ର ଏଣେତେଣେ ପଡିଥିବା ଦେଖିବାକୁ ପାଇଥିଲେ। ପୁଲିସ ଘଟଣାସ୍ଥଳରେ ପହଞ୍ଚି ଘରରେ ୪ଟି ମୃତଦେହ ପଡିଥିବାର ଦେଖିଥିଲେ।
ଏହାସହ ଏକ କକ୍ଷରେ ଲେମ୍ବୁ,ହଳଦୀ, ଦୀପ ଭଳି କିଛି ଜିନିଷ ମିଳିଥିଲା। ଏହା କୌଣସି ଗୁଣିଗାରେଡି ଘଟଣା ବୋଲି ସନ୍ଦେହ କରାଯାଉଛି। ଏହାସହ ଜିନିଷ ଏଣେତେଣେ ପଡିଥିବାରୁ ଲୁଟପାତ ମଧ୍ୟ ସନ୍ଦେହ କରାଯାଉଥିବା ବେଳେ କୌଣସି ସ୍ପଷ୍ଟତା ମିଳି ନାହିଁ। ପୁଲିସ ଘଟଣାର ତଦନ୍ତ କରୁଛି।

Comments
Loading...