କ୍ରାଇମବ୍ରାଞ୍ଚରେ ସବ୍ୟର୍ଚ୍ଚିତା; କ୍ଷୁଦ୍ର ଚଳଚ୍ଚିତ୍ରର ଶୁଭ ଉନ୍ମୋଚନ

ଭୁବନେଶ୍ବର: ସାଇବର ଠକ ତଥା ସାଇବର ଅପରାଧ ସମ୍ବନ୍ଧରେ ଲୋକଙ୍କୁ ସଚେନତ କରିବେ ଓଲିଉଡ଼ ଦମ୍ପତି ସବ୍ୟସାଚୀ ମିଶ୍ର ଓ ଅର୍ଚ୍ଚିତା ସାହୁ। କ୍ରାଇମବ୍ରାଞ୍ଚ ସାଇବର ସେଲର ବ୍ରାଣ୍ଡ ଆମ୍ବାସାଡ଼ର ହୋଇଛନ୍ତି ଏହି ଷ୍ଟାର ଦମ୍ପତି।

ବୁଧବାର ଏହି ଅବସରରେ ସାଇବର ଠକଙ୍କଠାରୁ କିପରି ବର୍ତ୍ତିବା ସେନେଇ ଏକ ସଚେତନଧର୍ମୀ କ୍ଷୁଦ୍ର ଚଳଚ୍ଚିତ୍ରର ଶୁଭ ଉନ୍ମୋଚନ ମଧ୍ୟ ହୋଇଛି, ଯେଉଁଥିରେ ସବ୍ୟସାଚୀ ଓ ଅର୍ଚ୍ଚିତା ମୁଖ୍ୟ ଭୂମିକାରେ ଅଭିନୟ କରିଛନ୍ତି। ଲୋକପ୍ରିୟ ଚଳଚ୍ଚିତ୍ର ନିର୍ମାତା ବସନ୍ତ ସାହୁ ଏହାର ନିର୍ଦେଶନା ଦେଇଛନ୍ତି। ଆଜିର ଏହି କାର୍ଯ୍ୟକ୍ରମରେ ସବ୍ୟର୍ଚ୍ଚିତାଙ୍କ ସହ କ୍ରାଇମବ୍ରାଞ୍ଚ ଏଡିଜେ ସଞ୍ଜୀବ ପଣ୍ଡା, ଆଇଜି ଅମିତେନ୍ଦ୍ର ନାଥ ସିହ୍ନା ଗଣମାଧ୍ୟମକୁ ସମ୍ବୋଧନ କରିଥିଲେ।