ଜିମ୍ବାୱେ ୧୯ ବର୍ଷରୁ କମ୍ କ୍ରିକେଟ ଦଳର ୪ଖେଳାଳି କରୋନା ସଂକ୍ରମିତ
ବାର୍ବାଡୋସ : ୱେଷ୍ଟଇଣ୍ଡିଜ୍ରେ ଖେଳାଯିବାକୁ ଥିବା ୧୯ ବର୍ଷରୁ କମ୍ କ୍ରିକେଟ ବିଶ୍ବକପ ଲାଗି ଘୋଷିତ ଜିମ୍ବାୱେ ଦଳର ୪ ଖେଳାଳି କରୋନା ସଂକ୍ରମିତ ହୋଇଛନ୍ତି। ବିଶ୍ବକପ ପୂର୍ବରୁ ୧୯ ବର୍ଷରୁ କମ୍ କ୍ରିକେଟ ଦଳ ଆୟର୍ଲାଣ୍ଡ ସହିତ ମ୍ୟାଚ ଖେଳିଥିଲା। ୱେଷ୍ଟଇଣ୍ଡିଜ୍ ଗସ୍ତ ପୂର୍ବରୁ ସୋମବାର ଜିମ୍ବାୱେ ଖେଳାଳିମାନଙ୍କ ଆରଟିପିସିଆର ପରୀକ୍ଷା କରାଯାଇଥିଲା। ଏଥିରେ ୪ ଖେଳାଳି କରୋନା ସଂକ୍ରମିତ ହୋଇଥିବା ରିପୋର୍ଟ ଆସିଛି। ଏ ନେଇ ଜିମ୍ବାୱେ କ୍ରିକେଟ ବୋର୍ଡ ପକ୍ଷରୁ ସ୍ପଷ୍ଟ କରାଯାଇଛି। ଖେଳାଳିମାନେ ୱେଷ୍ଟଇଣ୍ଡିଜ୍େ୍ର ପହଞ୍ଚି ସଙ୍ଗରୋଧରେ ରହିଛନ୍ତି। ୧୯ ବର୍ଷରୁ କମ୍ କ୍ରିକେଟ ବିଶ୍ବକପ ଆରମ୍ଭ ପୂର୍ବରୁ ଜିମ୍ବାୱେ କ୍ରିକେଟ ଦଳ ୨ଟି ଅଭ୍ୟାସ ମ୍ୟାଚ ଖେଳିବ। ଏହା ପୂର୍ବରୁ ଖେଳାଳିମାନଙ୍କ କରୋନା ପରୀକ୍ଷା କରାଯିବ ବୋଲି ଆୟୋଜକ କ୍ରିକେଟ ୱେଷ୍ଟଇଣ୍ଡିଜ୍ ପକ୍ଷରୁ ସ୍ପଷ୍ଟ କରାଯାଇଛି।
Comments are closed.