କୋଭିଡ୍‌ ପରିସ୍ଥିତିରେ ପେନ୍‌ସନ୍‌ ତଥା ପାରିବାରିକ ପେନ୍‌ସନ୍‌ ପ୍ରଦାନ ପାଇଁ ଅର୍ଥ ବିଭାଗ ପକ୍ଷରୁ ସ୍ୱତନ୍ତ୍ର ବ୍ୟବସ୍ଥା

ପେନ୍‌ସନ୍‌ଭୋଗୀ ବା ପରିବାର ପେନ୍‌ସନ୍‌ ପାଉଥିବା ବ୍ୟକ୍ତିଙ୍କ ଅନୁପସ୍ଥିତିରେ ପ୍ରଥପ ଥର ପାଇଁ ପେନସନ୍‌ ପ୍ରଦାନ ହେବ

ଭୁବନେଶ୍ୱର : କୋଭିଡ୍‌-୧୯ ମହାମାରୀର କଠିନ ସପୟରେ ରାଜ୍ୟ ସରକାରଙ୍କ ୫‘ଟି ଏବଂ ‘ମୋ ସରକାର ସୂତ୍ର ଅଧୀନରେ ପେନ୍‌ସନ୍‌ ତଥା ପରିବାର ପେନସନ୍‌ଭୋଗୀମାନଙ୍କୁ ହାତ ପାହାନ୍ତାରେ ସେବା ଯୋଗାଇ ଦେବା ପାଇଁ ନିଷ୍ପତ୍ତି ନିଆଯାଇଛି । ବାର୍ଷିକ ଜୀବନ ପ୍ରମାଣପତ୍ର, ବାର୍ଷିକ ପୁନଃବିବାହ ଓ ଅବିବାହିତ ସମ୍ବନ୍ଧୀୟ ଘୋଷଣାନାମା ସହ ବାର୍ଷିକ ନିୟୋଜନ ସମ୍ବନ୍ଧୀୟ ପ୍ରମାଣପତ୍ର ଦାଖଲ ପାଇଁ ସମୟସୀମାକୁ ନଭେମ୍ବର, ୨୦୨୦ରୁ ମଇ, ୨୦୨୧ ପର୍ଯ୍ୟନ୍ତ ବୃଦ୍ଧି କରାଯାଇଛି । ପ୍ରଥମ ଥର ପାଇଁ ପେନସନ୍‌ ଗ୍ରହଣକାରୀଙ୍କୁ ଗ୍ରାଚୁଇଟି ଏବଂ କମ୍ୟୁଡ଼େଟ୍‌ ପେନସନ୍‌ ପ୍ରଦାନ ପାଇଁ ସମୟସୀମାକୁ ମଧ୍ୟ ମଇ ୨୦୨୧ ପର୍ଯ୍ୟନ୍ତ ବୃଦ୍ଧି କରାଯାଇଛି । ଏହା ଦ୍ୱାରା ରାଜ୍ୟର ପେନସନ୍‌ଭୋଗୀମାନଙ୍କୁ ଅନୁରୋଧ କରାଯାଇଛି ଯେ ସେମାନେ ନିଜର ସ୍ୱାସ୍ଥ୍ୟର ସୁରକ୍ଷା ଦୃଷ୍ଟିରୁ ଓ ରାଜ୍ୟ ସରକାରଙ୍କ କୋଭିଡ୍‌ ନିୟମର ପାଳନ ନିମନ୍ତେ ନିଜର ବାର୍ଷିକ ଜୀବନ ପ୍ରମାଣ ନଭେମ୍ବର ୨୦୨୦ ପରିବର୍ତ୍ତେ ମଇ ୨୦୨୧ ରେ ନିଜର ପେନସନ୍‌ ପ୍ରଦାନକାରୀ ସଂସ୍ଥା ଯଥା ଟ୍ରେଜେରୀ ଓ ବ୍ୟାଙ୍କ ପାଖରେ ପ୍ରଦାନ କରନ୍ତୁ ।

Comments
Loading...