କରୋନା ଭ୍ୟାକ୍ସିନ୍‌ ପାଇଁ କମିଟି ଗଠନ କଲେ ରାଜ୍ୟ ସରକାର

ଭୁବନେଶ୍ବର: ମହାମାରୀ କରୋନାର ପ୍ରତିଷେଧକ ପାଇଁ ଟୀକାର ବିକାଶିତ କରାଯାଉଛି। ଖୁବ୍‌ ଶୀଘ୍ର ଏହି ଟିକା ଦେଶରେ ଉପଲବ୍ଧ ହେବ। ଏହାକୁ ଦୃଷ୍ଟିରେ ରଖି ରାଜ୍ୟ ସରକାର ପ୍ରସ୍ତୁତି ଆରମ୍ଭ କରିଦେଇଛନ୍ତି। ଏହି ପରିପ୍ରେକ୍ଷୀରେ ଟୀକାକରଣ ବ୍ୟବସ୍ଥା ସୁଗମ କରିବାକୁ ରାଜ୍ୟ ସରକାରଙ୍କ ପକ୍ଷରୁ ୨୧ଜଣିଆ କମିଟି ଗଠନ କରାଯାଇଛି। ଏହି ୨୧ଜଣିଆ କମିଟିର ସ୍ବାସ୍ଥ୍ୟ ଓ ପରିବାର କଲ୍ୟାଣ ନିର୍ଦେଶକ ଅଧ୍ୟକ୍ଷ ରହିଥିବାବେଳେ ରାଜ୍ୟ ଟୀକାକରଣ ଅଧିକାରୀ ସଦସ୍ୟ ସଚିବ ଓ ଡ୍ରଗ୍ସ କ​‌େ​‌ଣ୍ଟ୍ରାଲର ସଦସ୍ୟ ରହିଛନ୍ତି। ଭୁବନେଶ୍ବର କ୍ୟାପିଟାଲ୍‌ ହସ୍‌ପିଟାଲ୍‌ ଓ କଟକ ଏସ୍‌ସିବି ମେଡ଼ିକାଲ୍‌ କଲେଜର କିଛି ବିଭାଗୀୟ ମୁଖ୍ୟ ସଦସ୍ୟ ଅଛନ୍ତି। ରାଜ୍ୟ ସରକାରଙ୍କ ପକ୍ଷରୁ ଗଠିତ କମିଟି ସଦସ୍ୟ ଜିଲାସ୍ତରୀୟ କାର୍ଯ୍ୟ ସମୀକ୍ଷା ଓ ଜିଲା ଗସ୍ତ କରି ବ୍ୟବସ୍ଥା ପରଖିବାକୁ ନିର୍ଦେଶ ଦିଆଯାଇଛି।

 

ସେହିପରି କରୋନା ଭ୍ୟାକ୍‌ସିନ୍‌ ଟୀକାକରଣ ପାଇଁ ପ୍ରତି ଜିଲା ସ୍ତରରେ ୧୪ଜଣିଆ କମିଟି ଗଠନ ହୋଇଛି। ସବୁ ଜିଲାରେ ସିଡିଏମ୍‌ଓ ଅଧ୍ୟକ୍ଷ ରହିଥିବାବେଳେ ଅତିରିକ୍ତ ଜନସ୍ବାସ୍ଥ୍ୟ ଅଧିକାରୀ ସଦସ୍ୟ ସଚିବ ଅଛନ୍ତି। ଜିଲା ମୁଖ୍ୟ ହସ୍ପିଟାଲରେ କାମ କରୁଥିବା ବିଶେଷଜ୍ଞମାନଙ୍କ ସହ ଜିଲାର ବିଭିନ୍ନ ସହରାଞ୍ଚଳର ନିର୍ବାଚିତ ଲୋକ ପ୍ରତିନିଧି ମଧ୍ୟ ସଦସ୍ୟ ରହିବେ। ଜିଲ୍ଲାରେ ଠିକ ଭାବେ ଯେଭଳି ଟିକାକରଣ ହେବ, ସେଥିପ୍ରତି ଦୃଷ୍ଟି ଦେବ ଜିଲାସ୍ତରୀୟ କମିଟି।

Comments are closed.