୨୨ ଲକ୍ଷ ୮୦ ହଜାରରୁ ଅଧିକ ସୁସ୍ଥ : ଦେଶରେ ଆରୋଗ୍ୟ ହାର ୭୫ ପ୍ରତିଶତର ନିକଟତର

ନୂଆଦିଲ୍ଲୀ : ଦେଶରେ କୋଭିଡ୍‍ ଆରୋଗ୍ୟ ହାର ବୃଦ୍ଧି ପାଇ ୭୫ ପ୍ରତିଶତର ନିକଟତର ହୋଇଛି। ଗତ ୨୪ ଘଣ୍ଟା ମଧ୍ୟରେ ଆଉ ୫୭ ହଜାର ୯୮୯ ସଂକ୍ରମିତ ରୋଗୀ ଆରୋଗ୍ୟ ଲାଭ କରିବା ସହ ରବିବାର ଆରୋଗ୍ୟ ହାର ୭୪.୯୦ ପ୍ରତିଶତ ରହିଛି। ଦେଶରେ ମୋଟ ୨୨ଲକ୍ଷ ୮୦ହଜାରରୁ ଅଧିକ ସଂକ୍ରମିତ ରୋଗୀ ଆରୋଗ୍ୟ ଲାଭ କରିଛନ୍ତି।
ସେହିପରି  ଗତ ୨୪ ଘଣ୍ଟା ମଧ୍ୟରେ ଆଉ ୬୯ ହଜାର ୨୩୯ଜଣ ବ୍ୟକ୍ତି ସଂକ୍ରମିତ ହୋଇଥିବାବେଳେ ମୋଟ୍ ଆକ୍ରାନ୍ତଙ୍କ ସଂଖ୍ୟା ୩୦ ଲକ୍ଷ ଅତିକ୍ରମ କରି ୩୦ ଲକ୍ଷ ୪୪ ହଜାର୯୪୦ରେ ପହଞ୍ଚିଛି। ଅନ୍ୟପକ୍ଷରେ ଏହି ସମୟ ମଧ୍ୟରେ ଆଉ ୯୧୨ଜଣଙ୍କର ମୃତ୍ୟୁ ହୋଇଥିବାବେଳେ ମୃତ୍ୟୁସଂଖ୍ୟା ୫୬ହଜାର ୭୦୬କୁ ବୃଦ୍ଧି ପାଇଛି। ଦେଶରେ କୋଭିଡ ମୃତ୍ୟ ହାର ୧.୮୬ ପ୍ରତିଶତକୁ ହ୍ରାସ ପାଇଛି। ଦେଶରେ ସମ୍ପ୍ରତି ୭ଲକ୍ଷ ୭ହଜାର ୬୬୮ ସକ୍ରିୟ ଆକ୍ରାନ୍ତ ବିଭିନ୍ନ କୋଭିଡ ହସ୍ପିଟାଲରେ ଚିକିତ୍ସିତ ହେଉଛନ୍ତି।
ଅନ୍ୟ ପକ୍ଷରେ ଏଯାବତ ୩ କୋଟି ୫୨ଲକ୍ଷ ୯୨ ହଜାର ୨୨୦ଟି ନମୂନା ପରୀକ୍ଷଣ କରାଯାଇଛି। ଗତକାଲି ୮ଲକ୍ଷ ୧ହଜାର ୧୪୭ଟି ନମୂନା ପରୀକ୍ଷଣ କରାଯାଇଛି ବୋଲି ଆଇସିଏମ୍ଆର୍ ପକ୍ଷରୁ କୁହାଯାଇଛି।

Comments are closed.