କୋଭିଡ୍‌ରୁ ଆରୋଗ୍ୟ ଲାଭ କରିଥିଲେ ମଧ୍ୟ ସମସ୍ତେ ମାସ୍କ ପିନ୍ଧିବା, ସାମାଜିକ ଦୂରତ୍ୱ ରକ୍ଷା କରିବା ଓ ହାତ ପରିଷ୍କାର କରିବାକୁ ଗୁରୁତ୍ୱର ସହିତ ମାନିବା ଉଚିତ

ଭୁବନେଶ୍ବର: ଆଜି କଟକ ଏସ୍‌ସିବି ମେଡିକାଲ୍‌ କଲେଜ୍‌ ପ୍ରଫେସର ଡାକ୍ତର ଜୟନ୍ତ ପଣ୍ଡା ଏବଂ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପ୍ରତିଷ୍ଠାନର ନିର୍ଦ୍ଦେଶକ ଡାକ୍ତର ଅମରେନ୍ଦ୍ରନାଥ ମହାନ୍ତି କୋଭିଡ୍‌-୧୯ରୁ ଆରୋଗ୍ୟ ଲାଭ କରିଥିବା ଲୋକମାନଙ୍କ ଉଦ୍ଦେଶ୍ୟରେ ବିଭିନ୍ନ ପରାମର୍ଶ ପ୍ରଦାନ କରିଥିଲେ ।
ସେମାନେ କହିଥିଲେ ଯେ କୋଭିଡ୍‌ରୁ ଆରୋଗ୍ୟ ଲାଭ କରିଥିଲେ ମଧ୍ୟ ସମସ୍ତେ ମାସ୍କ ପିନ୍ଧିବା, ସାମାଜିକ ଦୂରତ୍ୱ ରକ୍ଷା କରିବା ଓ ହାତ ପରିଷ୍କାର କରିବାକୁ ଗୁରୁତ୍ୱର ସହିତ ମାନିବା ଉଚିତ। ସେମାନେ ପ୍ରୋଟିନ୍‌ସମୃଦ୍ଧ ଓ କମ୍‌ କାର୍ବୋହାଇଡ୍ରେଟ୍‌ ଥିବା ପୁଷ୍ଟିକର ଖାଦ୍ୟ ଗ୍ରହଣ କରିବା ଉଚିତ। କୋଭିଡ୍‌ରୁ ଆରୋଗ୍ୟ ଲାଭ କରିବା ପରେ ଯଦି କୌଣସି ଲକ୍ଷଣ ପ୍ରକାଶ ପାଉନଥାଏ ତେବେ ସୁସ୍ଥ ବ୍ୟକ୍ତି ତାଙ୍କ କାର୍ଯ୍ୟରେ ଯୋଗଦେଇପାରିବେ କିନ୍ତୁ ସେ କୋଭିଡ୍‌ ନିୟମ ଅନୁପାଳନ କରିବା ଆବଶ୍ୟକ। ଘରେ ସଙ୍ଗରୋଧରେ ଥିବା କୋଭିଡ୍‌ ରୋଗୀମାନଙ୍କ ସମ୍ମତି ମିଳିବା ପରେ ସେମାନଙ୍କ ପାଇଁ ଫେବିପିରାଭିର୍‌ ଚିକିତ୍ସା ଉପଯୋଗ କରାଯାଇପାରିବ ବୋଲି କଟକ ଏସ୍‌ସିବି ମେଡିକାଲ୍‌ କଲେଜ୍‌ ପ୍ରଫେସର ଡାକ୍ତର ଜୟନ୍ତ ପଣ୍ଡା ଏବଂ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପ୍ରତିଷ୍ଠାନର ନିର୍ଦ୍ଦେଶକ ଡାକ୍ତର ଅମରେନ୍ଦ୍ରନାଥ ମହାନ୍ତି ପ୍ରକାଶ କରିଥିଲେ।

Comments are closed.