ପୁରୀରେ କରୋନା ; ଏକାଧିକ କର୍ମଚାରୀ, ସେବାୟତ ସହ ଜଣେ ପର୍ଯ୍ୟଟକ ପଜିଟିଭ

ପୁରୀ : ରାଜ୍ୟରେ କରୋନାର ଦ୍ୱିତୀୟ ପର୍ଯ୍ୟାୟ ସଂକ୍ରମଣ ଦ୍ରୁତ ଗତିରେ ବୃଦ୍ଧି ପାଉଥିବା ଦେଖାଯାଉଛି। ସେହିପରି କିଛି ଦିନ ମଧ୍ୟରେ ପୁରୀରେ ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଉଛି। ଶ୍ରୀମନ୍ଦିର ପ୍ରଶାସନ କାର୍ଯ୍ୟାଳୟର ଏକାଧିକ କର୍ମଚାରୀ ଓ  ସେବାୟତ କରୋନା ପଜିଟିଭ ଚିହ୍ନଟ ହୋଇଛନ୍ତି। ଶ୍ରୀମନ୍ଦିର ସମ୍ମୁଖ ସିଂହଦ୍ୱାର ଜୋତାଷ୍ଟାଣ୍ଡର ୮ ଜଣ , ୭ ସେବାୟତ ଓ ସେମାନଙ୍କ ୩ ପରିବାର ସଦସ୍ୟ ଓ ଶ୍ରୀମନ୍ଦିର ପ୍ରଶାସନର ୩ କର୍ମଚାରୀ ଆକ୍ରାନ୍ତ, ଜଗନ୍ନାଥ ଟେମ୍ପଲ ପୁଲିସ ଓ ଜଣେ ମାଳି, ମୋଟ ୨୩ ଜଣ ପଜିଟିଭ ଚିହ୍ନଟ ହୋଇଛନ୍ତି ବୋଲି ପୁରୀ ଜିଲା ସ୍ୱାସ୍ଥ୍ୟ ବିଭାଗ ପକ୍ଷରୁ ସୂଚନା ମିଳିଛି।
ସେହିପରି ପୁରୀ ରେଳ ଷ୍ଟେସନରୁ ଆଉ ଜଣେ ପର୍ଯ୍ୟଟକ ମଧ୍ୟ କରୋନା ପଜିଟିଭ ଚିହ୍ନଟ ହୋଇଥିବା ବେଳେ ସେ ଟ୍ରେନ ଯୋଗେ ଗୁଜରାଟରୁ ଆସିଛନ୍ତି ବୋଲି ଜଣାପଡିଛି।

Comments
Loading...