କୋଭିଡ୍ ଆରୋଗ୍ୟ ହାର ୯୩.୮୧ ପ୍ରତିଶତକୁ ବୃଦ୍ଧି
ମୋଟ୍ ସଂକ୍ରମଣ ୯୪ ଲକ୍ଷ ୩୧ ହଜାର
ନୂଆଦିଲ୍ଲୀ : ଦେଶରେ କୋଭିଡ୍ ଆରୋଗ୍ୟ ହାର ୯୩.୮୧ ପ୍ରତିଶତକୁ ବୃଦ୍ଧି ପାଇଛି। ଗତ ୨୪ ଘଣ୍ଟା ଭିତରେ ୪୫ ହଜାର ୩୩୩ ଜଣ ଆରୋଗ୍ୟ ଲାଭ କରିଛନ୍ତି। ସ୍ୱାସ୍ଥ୍ୟ ମନ୍ତ୍ରଣାଳୟର କହିବା ଅନୁସାରେ ଦେଶରେ ଆରୋଗ୍ୟଙ୍କ ସଂଖ୍ୟା ୮୮ ଲକ୍ଷ ୪୭ ହଜାରରୁ ଅଧିକ ରହିଛି। ଚିକିତ୍ସିତ ହେଉଥିବା ସକ୍ରିୟ ମାନଙ୍କ ସଂଖ୍ୟା ମୋଟ୍ ସଂକ୍ରମଣର ଶତକଡ଼ା ୪.୭୪% ରହିଛି। ଦେଶରେ ବର୍ତ୍ତମାନ ୪ ଲକ୍ଷ ୪୬ ହଜାର ୯୫୨ ଜଣ ସକ୍ରିୟ ଚିକିତ୍ସିତ ହେଉଛନ୍ତି। ଗତ ୨୪ ଘଣ୍ଟା ଭିତରେ ୩୮ ହଜାର ୭୭୨ ଜଣ ସଂକ୍ରମିତ ହୋଇଥିବାର ଜଣାପଡ଼ିଛି। ଏଥିସହିତ ମୋଟ୍ ସଂକ୍ରମଣ ୯୪ ଲକ୍ଷ ୩୧ ହଜାର ରହିଛି। ମନ୍ତ୍ରଣାଳୟ କହିଛି, ସରକାରଙ୍କ ନିୟମର ପାଳନ ଯୋଗୁଁ ଆରୋଗ୍ୟ ହାର ବୃଦ୍ଧି ପାଉଛି ଓ ମୃତ୍ୟୁହାର ହ୍ରାସ ପାଉଛି। ଦେଶରେ କୋବିଡ୍ ମୃତ୍ୟୁହାର ୧.୪୫% ଭାଗ ରହିଛି। ଗତ ୨୪ ଘଣ୍ଟା ଭିତରେ ୪୪୩ ଜଣ ମୃତ୍ୟୁ ଘଟିବାରୁ କୋବିଡ୍ ମୃତ୍ୟୁସଂଖ୍ୟା ୧ ଲକ୍ଷ ୩୭ ହଜାର ୧୩୯ରେ ପହଞ୍ଚିଛି। ଗତ ୨୪ ଘଣ୍ଟା ଭିତରେ ୮ ଲକ୍ଷ ୭୬ ହଜାର ନମୁନା ପରୀକ୍ଷା କରାଯାଇଛି। ଦେଶରେ ମୋଟ୍ ୧୪ କୋଟି ୩ ଲକ୍ଷ ନମୁନା ପରୀକ୍ଷା କରାଯାଇଛି।
Comments are closed.