କୋଭିଡ ଆରୋଗ୍ୟ ହାର ୭୪.୬୯ ପ୍ରତିଶତକୁ ବୃଦ୍ଧି : ଆକ୍ରାନ୍ତଙ୍କ ସଂଖ୍ୟା ୩୦ ଲକ୍ଷ ନିକଟତର

ନୂଆଦିଲ୍ଲୀ : ଦେଶରେ କୋଭିଡ ଆରୋଗ୍ୟ ହାର ୭୪.୬୯ ପ୍ରତିଶତକୁ ବୃଦ୍ଧି ପାଇଛି। ଗତ ୨୪ ଘଣ୍ଟା ମଧ୍ୟରେ ଆଉ ୬୩ ହଜାର ୬୩୧ ଜଣ ସଂକ୍ରମିତ ବ୍ୟକ୍ତି ଆରୋଗ୍ୟ ଲାଭ କରିଛନ୍ତି। ଫଳରେ ଦେଶରେ ଏପର୍ଯ୍ୟନ୍ତ ୨୨ ଲକ୍ଷ ୨୨ ହଜାରରୁ ଊର୍ଦ୍ଧ୍ବ ସଂକ୍ରମିତ ବ୍ୟକ୍ତି ଆରୋଗ୍ୟ ଲାଭ କରିଛନ୍ତି। ମନ୍ତ୍ରଣାଳୟ କହିଛି, ନମୁନା ପରୀକ୍ଷଣ ମାଧ୍ୟମରେ ସଂକ୍ରମିତମାନଙ୍କର ଚିହ୍ନଟ, ଦ୍ରୁତ ତଥା ଫଳପ୍ରଦ ଚିକିତ୍ସା ଓ ସଂକ୍ରମିତମାନଙ୍କର ଉପଯୁକ୍ତ ଯତ୍ନ ନିଆଯିବା ଯୋଗୁଁ ଗତ ୨୧ ଦିନ ଧରି ଆରୋଗ୍ୟ ଲୋକମାନଙ୍କ ସଂଖ୍ୟା ଶତକଡ଼ା ଶହେ ଭାଗ ବୃଦ୍ଧି ପାଇଛି।

ବର୍ତ୍ତମାନ ୬ଲକ୍ଷ ୯୭ ହଜାରରୁ ଊର୍ଦ୍ଧ୍ବ ସଂକ୍ରମିତ ବ୍ୟକ୍ତିଙ୍କର ବିଭିନ୍ନ ହସ୍ପିଟାଲରେ ଚିକିତ୍ସା କରାଯାଉଛି। ସେହିପରି ଗତ ୨୪ ଘଣ୍ଟା ମଧ୍ୟରେ ଆଉ ୯୪୫ ଜଣଙ୍କର ମୃତ୍ୟୁ ଘଟିବାରୁ ଦେଶରେ କୋବିଡ୍‍ ଜନିତ ମୃତ୍ୟୁସଂଖ୍ୟା ୫୫ ହଜାର ୭୯୪ରେ ପହଞ୍ଚିଛି। ଦେଶ​ରେ ମୃତ୍ୟୁହାର ମଧ୍ୟ କ୍ରମାଗତ ଭାବେ ହ୍ରାସ ପାଇ  ୧.୮୭ ପ୍ରତିଶତ ରହିଛି।
ଅନ୍ୟପକ୍ଷରେ ଗୋଟିଏ ଦିନରେ ୬୯ ହଜାର ୮୭୪ ଜଣ ନୂଆ ଲୋକ କୋଭିଡ ସଂକ୍ରମିତ ହେବାରୁ ଦେଶରେ ସଂକ୍ରମିତମାନଙ୍କ ସଂଖ୍ୟା ୨୯ଲକ୍ଷ ୭୫ ହଜାର ୭୦୧ ରହିଛି।

Comments
Loading...