ଆବାସ ଯୋଜନା ତାଲିକାରେ ଦୁଇ ମହଲା କୋଠା ଵାଲା , ସ୍ପଷ୍ଟ ବାରି ହେଉଛି ଦୁର୍ନିତୀର ଗନ୍ଧ

ଚିକିଟି : ଗଞ୍ଜାମ ଜିଲ୍ଲା ଚିକିଟି ବ୍ଲକ୍ ଲାଳମେଣ୍ଟ ପଞ୍ଚାୟତରେ ଆବାସ ଯୋଜନା ପାଇଁ ଲାଞ୍ଚ ଦାବି ଘଟଣା ଏବେ ଭିନ୍ନ ମୋଡ଼ ନେଇଛି। ଆବାସ ଯୋଜନା ହାତେଇବା ପାଇ ସରପଞ୍ଚଙ୍କୁ ଲାଞ୍ଚ ପ୍ରଦାନ ଅଭିଯୋଗ ଥିବା ଲାଞ୍ଚ ପ୍ରଦାନକାରୀ ବିଜୟ ପ୍ରଧାନ ଏବଂ ବାବୁନାଥ ପ୍ରଧାନଙ୍କ ଦୁଇ ମହଲା ବିଶିଷ୍ଟ ଜଣଙ୍କର ପକ୍କାଘର ଏବଂ ଅନ୍ୟ ଜଣଙ୍କ ଏକ ମହଲା ପକ୍କାଘର ଥାଇ ସୁଦ୍ଧା ସେମାନଙ୍କ ନାମ ଆବାସ ଯୋଜନା ତାଲିକାରେ  ୩୬ ଏବଂ ୩୭ ସିରିଏଲ୍ ନମ୍ବରରେ ରହିଛି ଏହାକୁ ନେଇ ସରପଞ୍ଚଙ୍କ ଲାଞ୍ଚ ଦାବି ଘଟଣା ଏବେ ସନ୍ଦେହ ଘେରକୁ ଆସିଛି। ଏ ନେଇ ପଞ୍ଚାୟତ ନିର୍ବାହୀ ଅଧିକାରୀ ରମେଶ ବିଷୋୟୀଙ୍କ ମତାମତ ଲୋଡ଼ିବାରୁ ସେ କହିଛନ୍ତି ତାଲିକାରେ ରହିବାକୁ ହିତାଧିକାରୀ ଆବେଦନ କରିଥାନ୍ତି। ଆବେଦନ ମୁତାବକ ବର୍ତ୍ତମାନର ତାଲିକାର ପ୍ରସ୍ତୁତି ବେଳେ ବ୍ଳକର ୧୨ ଜଣ ଜିଆରଏସ ଉପସ୍ଥିତ ରହି ଏହି ତାଲିକା‌ ତିଆରି କରିଥିଲେ। କେବଳ ସେଇ ଦୁଇଜଣ ନୁହଁନ୍ତି , ଆହୁରୀ ଅନେକ ଥିବାବାଲାଙ୍କ ନାଁ ମଧ୍ୟ ତାଲିକାରେ ଅଛି ।ମୋତେ ଅନ୍ୟ ପଞ୍ଚାୟତର ଦାୟିତ୍ୱ ଦିଆ ଯାଇଥିବା ହେତୁ ମୁଁ ଏହି ତାଲିକା ତିଆରି ବେଳେ ଉପସ୍ଥିତ ନଥିବା ସେ କହିଛନ୍ତି।

ବିଗତ ଦିନରେ ଜିଲ୍ଲା ପ୍ରଶାସନ ନିକଟରେ ଲାଲମେଣ୍ଟ ସରପଞ୍ଚ କୃଷ୍ଣଚନ୍ଦ୍ର ପ୍ରଧାନ ଆବାସ ଯୋଜନା ପାଇଁ ଲଲମେଣ୍ଟ ଗ୍ରାମର ବିଜୟ ପ୍ରଧାନ ଓ ବାବୁନଥ ପ୍ରଧାନଙ୍କ ଠାରୁ ଲାଞ୍ଚ ଦାବି ଅଭିଯୋଗ ହେଇଥିଲା। ପରେ ଜିଲ୍ଲା ପ୍ରଶାସନ ତରଫରୁ ଏହାର ତଦନ୍ତ ଦାୟିତ୍ୱ ଲାଲାମେଣ୍ଟ ପଞ୍ଚାୟତ ନିର୍ବାହୀ ଅଧିକାରୀଙ୍କୁ ଦିଆଯାଇଥିଲା । ଅଧିକାରୀ ରମେଶ ବିଶୋୟୀ ତଦନ୍ତ କରି ଏହି ଘଟଣାର ସତ୍ୟତା ନଥିବା ନେଇ ପ୍ରଶାସନ କୁ ରିପୋର୍ଟ୍ ଦାଖଲ କରିଥିଲେ। ପଞ୍ଚାୟତ ନିର୍ବାହୀ ଅଧିକାରୀଙ୍କ ତଦନ୍ତ ରିପର୍ଟରେ ସରପଞ୍ଚଙ୍କୁ ନିର୍ମଳ ଭାବମୂର୍ତ୍ତିର ଆଖ୍ୟା ଦେବା ପରେ ସରପଞ୍ଚ କୃଷ୍ଣଚନ୍ଦ୍ର ପ୍ରଧାନ ଏକ ସାମ୍ବାଦିକ ସମ୍ମିଳନୀ ଡକାଇ ମୁଁ କାହାଠୁ ଲାଞ୍ଚ ନିଏ ନି, କି କାହାକୁ ଦିଏନି ବୋଲି କହିଥିଲେ।

Comments
Loading...