ଚୀନରେ କରୋନା ଭାଇରସ ଏଭଳି ଭୟାନକ ସ୍ତରରେ ପହଞ୍ଚିଛି, ଲୋକେ ଘରେ ଥିବା ପୋଷା କୁକୁର ଓ ବିଲେଇକୁ ମାରି ଫିଙ୍ଗି ଦେଉଛନ୍ତି। ଚୀନର ଏକ ଗଣମାଧ୍ୟମ ରିପୋର୍ଟ ଅନୁଯାୟୀ, କରୋନା ଭାଇରସ ପ୍ରଭାବିତ ସହରରେ ଲୋକେ ଭୟବୀତ ହୋଇ ପଡିଛନ୍ତି। ନିଜ ଘରେ ରଖିଥିବା ପୋଷା କୁକୁର ଓ ବିଲେଇକୁ ମାରି ବାହାରେ ଫିଙ୍ଗି ଦେଉଛନ୍ତି। କାରଣ ପୋଷା ପଶୁଙ୍କ ଦ୍ବାରା କରୋନା ଭାଇରସ ବ୍ୟାପୁଛି ବୋଲି ସ୍ଥାନୀୟ ଲୋକ ଦାବି କରିଛନ୍ତି।
ରିପୋର୍ଟ ଅନୁଯାୟୀ, ଚୀନର ତିଆନଜିନ୍ ସହରରେ ଫ୍ଲାଟ ବାହାରେ ମୃତ କୁକୁରକୁ ଉଦ୍ଧାର କରାଯାଇଛି। ସେହିପରି ସଂଘାଇ ସହରରେ ୫ଟି ବିଲେଇର ମୃତଦେହ ଉଦ୍ଧାର ହୋଇଛି। ସ୍ଥାନୀୟଲୋକଙ୍କ ଦ୍ବାରା ଏହା ସ୍ପଷ୍ଟ ହୋଇଛି ଯେ ମୃତ କୁକୁର ଓ ବିଲେଇ ପୋଷା ଥିଲେ।
ଏହା ପୂର୍ବରୁ ଚୀନର ବୁହାନ ସହରରେ ଏଭଳି ଘଟଣା ସାମ୍ନାକୁ ଆସିଥିଲା, ରାସ୍ତାରେ ଚାଲୁଥିବା ସମୟରେ କିଛି ଲୋକ ଟଳି ପଡୁଥିଲେ ଏବଂ ସେଠାରେ ହିଁ ତାଙ୍କର ମୃତ୍ୟୁ ହୋଇଥିଲା।
Comments are closed.