କରୋନାକୁ ହରାଇବା ପାଇଁ ରୋନାଲଡୋଙ୍କ ବଡ଼ ପଦକ୍ଷେପ : ଦାନ କରିବେ ଭେଣ୍ଟିଲେଟର

ନୂଆଦିଲ୍ଲୀ : ପର୍ତ୍ତୁଗାଲର ତାରକା ଫୁଟବଲର୍ କ୍ରିଷ୍ଟିଆନୋ ରୋନାଲଡୋ ଏବଂ ତାଙ୍କ ମ୍ୟାନେଜର ଜର୍ଜ ମେଣ୍ଡିସ୍ କରୋନା ଭାଇରସକୁ ହରାଇବା ପାଇଁ ତାଙ୍କ ନିଜ ସହରରେ ଥିବା ମେଡ଼ିରା ସ୍ୱାସ୍ଥ୍ୟ ବିଭାଗକୁ ପାଞ୍ଚଟି ଭେଣ୍ଟିଲେଟର ଦାନ କରିବେ। ଏନେଇ ଶନିବାର ଲୁସା ନ୍ୟୁଜ୍ ଏଜେନ୍ସି ସୂଚନା ଦେଇଛି।
ଏହି ପାଞ୍ଚଟି ଭେଣ୍ଟିଲେଟର ପାଇବା ପରେ ସ୍ୱାସ୍ଥ୍ୟ ବିଭାଗ ପାଖରେ ମୋଟ ୯୯ଟି ଭେଣ୍ଟିଲେଟର ଉପଲବ୍ଧ ରହିବା ପର୍ତ୍ତୁଗାଲର ସ୍ୱାସ୍ଥ୍ୟ ନିର୍ଦ୍ଦେଶାଳୟର ରିପୋର୍ଟ ଅନୁଯାୟୀ, ବର୍ତ୍ତମାନ ପର୍ଯ୍ୟନ୍ତ କରୋନା ଭାଇରସରେ  ସମୁଦାୟ ଦେଶରେ ପ୍ରାୟ ୧୦୦ଜଣ ଲୋକଙ୍କର ମୃତ୍ୟୁ ଘଟିଛି।
ଏହା ପୂର୍ବରୁ ଆର୍ଜେଣ୍ଟିନା ତାରକା ଫୁଟବଲର୍ ଲିଓନେଲ ମେସି କରୋନା ଭାଇରସ୍ ସହିତ ଲଢିବା ପାଇଁ ବାର୍ସିଲୋନାରେ ଥିବା ଏକ ଡାକ୍ତରଖାନାକୁ ଏକ କୋଟି ୟୁରୋ ଅର୍ଥାତ୍ ୮ କୋଟି ଟଙ୍କା ଦାନ କରିଥିଲେ।
ମେସିଙ୍କ ପୂର୍ବରୁ ବାର୍ସିଲୋନା ମ୍ୟାନେଜର ପେପ୍ ଗୁ ଆର୍ଡିଓଲା ମଧ୍ୟ ଆବଶ୍ୟକୀୟ ଚିକିତ୍ସା ସାମଗ୍ରୀ କିଣିବା ପାଇଁ ବାର୍ସିଲୋନା ସ୍ଥିତ ଏକ ଏନଜିଓକୁ ଏକ ମିଲିୟନ୍ ୟୁରୋ ଦାନ କରିଥିଲେ।