ଭାରତରେ ବିଏମ୍ଆରଆରଆର୍ ୫୦%ରେ ପହଞ୍ଚିଛି
ସମ୍ପ୍ରତି ଭାରତରେ ବିଏମ୍ଆରଆରଆର୍ ୫୦%ରେ ପହଞ୍ଚିଛି । ୧୯ ମେ ପର୍ଯ୍ୟନ୍ତ ଦେଶରେ ସଂକ୍ରମଣ, ସୁସ୍ଥ ଓ ମୃତ ଲୋକଙ୍କ ସଂଖ୍ୟାକୁ ନେଇ ଏହି ଅଧ୍ୟୟନ ପ୍ରସ୍ତୁତ କରାଯାଇଛି । ୧୯ ମେରେ ଦେଶରେ ମୋଟ ୧୦୬୪୭୫ ସଂକ୍ରମିତ ହୋଇଥିବାବେଳେ ଏହାମଧ୍ୟରୁ ୪୨୩୦୬ ସୁସ୍ଥ ହୋଇ ସାରିଥିଲେ ଓ ମୃତ୍ୟୁବରଣ କରିଥିବା ଲୋକଙ୍କ ସଂଖ୍ୟା ୩୩୦୨ ରହିଥିଲା । ଏହି ଆଧାର ଅନୁସାରେ ବିଏମ୍ଆରଆରଆର୍ ଅନୁପାତ ୪୨% ରହିଥିଲା । ଡ଼ା ଅନୀଲ କହିଛନ୍ତି ଯେ ମହାମାରୀ ସେତେବେଳେ ଶେଷ ହୋଇଯାଏ ଯେତେବେଳେ ବିଏମଆରଆରଆର୍ ୧୦୦% ହୋଇଯାଏ । ଆଜି ତାରିଖରେ ଏହା ୫୦%ରେ ପହଞ୍ଚିଛି । ଆକଳନ ଅନୁସାରେ ସେପ୍ଟେମ୍ବର ମଧ୍ୟଭାଗ ମଧ୍ୟରେ ଏହା ୧୦୦%ରେ ପହଞ୍ଚି ଯିବା ଆଶା କରାଯାଉଛି । ତେବେ ଯାଇ ମହାମାରୀ ଶେଷ ହେବ ।
ୟୁରୋପର ବିଭିନ୍ନ ଦେଶରୁ ନିଆଯାଇଛି ଉଦାହରଣ
ଡ଼ା. ଅନୀଲଙ୍କ ଆକଳନ ଅନୁସାରେ ୟୁରୋପର ଅନେକ ଦେଶରେ ଏହି ବେଲି ମଡ଼େଲରୁ ପରିସଂଖ୍ୟାନ ବାହାର କରାଯାଇଛି । ଏହା ଅତ୍ୟନ୍ତ ସଠିକ ହୋଇଛି । ଅବଶ୍ୟ ଆକଳନ ସଠିକ ପ୍ରମାଣିତ ହେବା ନିମନ୍ତେ ଅନ୍ୟ କିଛି କାରଣ ରହିଛି । ତେଣୁ ଏହି ଫଳାଫଳ ୧୦୦% ସତ୍ୟ ହେବା ନେଇ କୌଣସି ଗ୍ୟାରେଣ୍ଟି ଦିଆଯାଇ ପାରିବ ନାହିଁ ।
ଜୁନ୍-ଜୁଲାଇରେ ଶୀର୍ଷସ୍ତରରେ ପହଞ୍ଚିବ ସଂକ୍ରମଣ
ଚଳିତ ମାସ ଓ ଆସନ୍ତା ମାସ (ଜୁନ୍-ଜୁଲାଇ)ରେ ଦେଶରେ କରୋନା ସଂକ୍ରମଣ ଶୀର୍ଷସ୍ତରରେ ପହଞ୍ଚିବ । ଦିଲ୍ଲୀ ଏମ୍ସର ନିର୍ଦେଶକ ଡ଼ା. ରଣଦୀପ ଗୁଲେରିଆ ଏପରି ଆକଳନ କରିଛନ୍ତି । ଡ଼ା. ଗୁଲେରିଆ କହିଛନ୍ତି ଯେ ଏହା ପରେ ଯାଇ କରୋନା ସଂକ୍ରମଣ ହ୍ରାସ ପାଇବ । ବର୍ତମାନ ସ୍ଥିତିରେ ଡ଼ା. ରଣଦୀପ ଗୁଲେରିଆଙ୍କ ଆକଳନ ସଠିକ ହେଉଥିବା ସୂଚନା ମିଳିଛି । ଜୁନ୍ ମାସ ଆରମ୍ଭ ହେଉହେଉ ଦେଶରେ କରୋନା ସଂକ୍ରମିତଙ୍କ ସଂଖ୍ୟା ଦୃତଗତିରେ ବୃଦ୍ଧି ପାଇବାରେ ଲାଗିଛି ।
Comments are closed.