ଯେଉଁଠି ରୋଗୀ ସଂଖ୍ୟା ଅଧିକ, ସେଠାରେ ଜାରି ରହିବ ଲକଡ଼ାଉନ୍ : ପ୍ରଧାନମନ୍ତ୍ରୀ

ନୂଆଦିଲ୍ଲୀ : ଦେଶରେ କରେନା ରୋଗୀ ସଂଖ୍ୟା ଦିନକୁ ଦିନ ବୃଦ୍ଧି ପାଇବାରେ ଲଗିଛି। ଏନେଇ ସୋମବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସମସ୍ତ ରାଜ୍ୟର ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରିଛନ୍ତି। ଆଜିର ବୈଠକରେ ପ୍ରଧାନମନ୍ତ୍ରୀ ମୋଦୀ ତାଲାବନ୍ଦ ଖୋଲିବା ବିଷୟରେ ଆଲୋଚନା କରି କହିଛନ୍ତି ଯେ, ଏହା ଉପରେ ଏକ ନୀତି ପ୍ରସ୍ତୁତ କରିବାକୁ ପଡ଼ିବ। ଯେଉଁଥିରେ ରାଜ୍ୟ ସରକାରଙ୍କୁ ବିସ୍ତୃତ ଭାବେ କାର୍ୟ୍ୟ କରିବାକୁ ପଡ଼ିବ।
ପ୍ରଧାନମନ୍ତ୍ରୀ କହିଛନ୍ତି, ରାଜ୍ୟ ସରକାରମାନେ ଲକଡ଼ାଉନକୁ ନେଇ ନୀତି ପ୍ରସ୍ତୁତ କରିବା ଉଚିତ ଏବଂ ରେଡ୍, ଗ୍ରୀନ୍ ଏବଂ ଅରେଞ୍ଜ ଜୋନରେ ଥିବା ଅଞ୍ଚଳରେ ତାଲାବନ୍ଦ ଅବଧିକୁ ବୃଦ୍ଧି କରିବା ଆବଶ୍ୟକ। ଯେଉଁ ରାଜ୍ୟରେ ଅଧିକ କରୋନା ରୋଗୀ ଚିହ୍ନଟ ହୋଇଛନ୍ତି ସେଠାରେ ତାଲାବନ୍ଦ(ଲକ୍ ଡ଼ାଉନ୍) ଜାରି ରହିବ। ଯେଉଁଠାରେ ପଜିଟିଭ୍ ସଂଖ୍ୟା କମ୍ ରହିଛି ସେହି ଗୁଡିକରୁ ଲକଡ଼ାଉନ୍ ଉଠାଯିବ। ଅର୍ଥନୀତିକୁ ନେଇ ଚିନ୍ତା ନ କରିବାକୁ ପ୍ରଧାନମନ୍ତ୍ରୀ ଦେଶବାସୀଙ୍କୁ ପରାମର୍ଶ ଦେଇଛନ୍ତି।