କରୋନା ଜନ ସହାୟତା କେନ୍ଦ୍ର ଆରମ୍ଭ – ଫୋନରେ ମିଳିବ ପରାମର୍ଶ
ଭୁବନେଶ୍ବର: କରୋନା ମହାମାରୀର ମୁକାବିଲାରେ ସରକାରଙ୍କ ସହ କାନ୍ଧ ମିଳାଇଛନ୍ତି ରାଜ୍ୟର ବିଭିନ୍ନ ସ୍ୱେଚ୍ଛାସେବୀ ସଂଗଠନ। ରାଜ୍ୟର ଅଗ୍ରଣୀ ସାମାଜିକ ଅନୁଷ୍ଠାନ ସିୱାଇଏସ୍ଡି ଓ ଏହାର ସହଯୋଗୀ ସଂଗଠନମାନେ ମିଳିତ ଭାବେ ଏକ ଜନ ସହାୟତା କେନ୍ଦ୍ର ଆରମ୍ଭ କରି ଏକ ନିଃଶୁଳ୍କ ନମ୍ବର ଜାରି କରିଛନ୍ତି। ଏହି କେନ୍ଦ୍ରର ନିଃଶୁଳ୍କ ନମ୍ବର ୮୮୮୦୫୯୨୫୯୨କୁ ଜନ ସାଧାରଣ ସକାଳ ୧୦ ରୁ ସନ୍ଧ୍ୟା ୫ ଟା ଭିତରେ ଫୋନ୍ କରି କରୋନା ସମ୍ପର୍କିତ ବିଭିନ୍ନ ତଥ୍ୟ ଓ ପରାମର୍ଶ ପାଇପାରିବ।
ସିୱାଇଏସ୍ଡି ପକ୍ଷରୁ କୁହାଯାଇଛି ଯେ ଉକ୍ତ ନମ୍ବରକୁ ଫୋନ କରି ରାଜ୍ୟର ଜନସାଧାରଣ କରୋନା ଭୂତାଣୁ ସମ୍ପର୍କିତ ସଠିକ୍ ସୂଚନା ସହ ରାଜ୍ୟ ଓ କେନ୍ଦ୍ର ସରକାରଙ୍କ ଦ୍ୱାରା ଲୋକମାନଙ୍କ ପାଇଁ ଘୋଷଣା କରାଯାଇଥିବା ବିଭିନ୍ନ କାର୍ୟ୍ୟକ୍ରମ, ଯୋଜନା, ସୁବିଧା ଓ ସୁଯୋଗ ସମ୍ପର୍କରେ ତଥ୍ୟ ମଧ୍ୟ ମିଳିପାରିବ। ଏହା ସହ ମାନସିକ ଚାପ ହ୍ରାସ ପାଇଁ ପରାମର୍ଶ ଓ ସ୍ୱାସ୍ଥ୍ୟ ସମସ୍ୟା ସମାଧାନ ପାଇଁ ଏହି ଫୋନ୍ ଯୋଗେ ବିଶେଷଜ୍ଞମାନଙ୍କ ପରାମର୍ଶ ମିଳିପାରିବ। ସିୱାଇଏସ୍ଡିର ମାର୍ଗଦର୍ଶକ ଜଗଦାନନ୍ଦ କହିଛନ୍ତି ଯେ ସାମ୍ପ୍ରତିକ ଲକ୍ ଡାଉନ୍ ସମୟରେ ଅନେକ ଲୋକ ମାନସିକ ଚାପର ଶିକାର ହେଉଛନ୍ତି ଓ ସେମାନଙ୍କୁ ପରାମର୍ଶ ବା କାଉନ୍ସେଲିଂର ଆବଶ୍ୟକତା ରହିଛି।
Comments are closed.