ବଢ଼ିଲା କରୋନା ଲେଉଟାଣି ଭୟ, ନିୟମ କଡ଼ାକଡ଼ି ନିର୍ଦେଶ

ଭୁବନେଶ୍ୱର: କରୋନା ମହାମାରୀ ଏବେ ମହାରାଷ୍ଟ୍ର ଭଳି ବିଭିନ୍ନ ରାଜ୍ୟରେ ଲେଉଟିବା ଆରମ୍ଭ କରିଛି। ଏହାକୁ ନେଇ ଲୋକେ ଭୟଭୀତ ହେଲେଣି। ଜନସାଧାରଣଙ୍କ ସଚେତନତା ଅଭାବ ଏବଂ ପ୍ରଶାସନିକ ଅଧିକାରୀଙ୍କ କୋହଳ ମନୋଭାବ ଯୋଗୁଁ ପରିସ୍ଥିତି ଏଭଳି ସୃଷ୍ଟି ହୋଇଛି। ଓଡ଼ିଶାରେ ମଧ୍ୟ କରୋନା କଟକଣା କୋହଳ ହେଉଥିବା ପରିଲକ୍ଷିତ ହେଉଛି। ଏହାଦ୍ବାରା ରାଜ୍ୟରେ ପୁନର୍ବାର ମହାମାରୀ ବ୍ୟାପିବାର ଆଶଙ୍କା ରହିଛି। ଏହାକୁ ଦୃଷ୍ଟିରେ ରଖି ସବୁ ଜିଲାପାଳ ଓ ମହାନଗର ନିଗମ କମିସନରଙ୍କ ସହିତ ସବୁ ସ୍ବାସ୍ଥ୍ୟ ଅଧିକାରୀଙ୍କୁ ସରକାରଙ୍କ ପକ୍ଷରୁ ତାଗିଦା କରାଯାଇଛି।

ଶୁକ୍ରବାର ସ୍ବାସ୍ଥ୍ୟବିଭାଗ ଅତିରିକ୍ତ ମୁଖ୍ୟଶାସନ ସଚିବ ପ୍ରଦୀପ୍ତ କୁମାର ମହାପାତ୍ର ସବୁ ଜିଲାପାଳ, ମହାନଗର ନିଗମ କମିସନରଙ୍କୁ ପତ୍ର ଲେଖି ଦର୍ଶାଇଛନ୍ତି ଯେ କୌଣସି ପରିସ୍ଥିତିରେ ବି ରାଜ୍ୟରେ କୋଭିଡ଼ ମାର୍ଗଦର୍ଶିକା ଉଲ୍ଲଘଂନ ହେବାକୁ ଦିଆଯିବ ନାହିଁ। ଜିଲାସ୍ତରରେ ଏବଂ ସହରାଞ୍ଚଳରେ ଯେଭଳି କୋଭିଡ଼ ମାର୍ଗଦର୍ଶିକାର ଠିକଣାେର ଅନୁପାଳନ ହୁଏ ସେଥିପ୍ରତି ସତର୍କ ରୁହ। ଆବଶ୍ୟକ ସଂଖ୍ୟକ ନମୁନା ପରୀକ୍ଷା କରାଅ। ଜନଗହଳିପୂର୍ଣ୍ଣ ସ୍ଥାନ ଓ ବିଭିନ୍ନ ସାମାଜିକ କାର୍ୟ୍ୟକ୍ରମରେ ଲୋକେ ଯେଭଳି କରୋନା କଟକଣା ପାଳନ କରନ୍ତି ସେଥିନେଇ ଦୃଷ୍ଟି ଦେବାକୁ ଶ୍ରୀ ମହାପାତ୍ର ଦର୍ଶାଇଛନ୍ତି।

Comments
Loading...