ରାଜ୍ୟରେ ସୁସ୍ଥ ହେଲେ ଆଉ ୨୧୭ କରୋନା ଆକ୍ରାନ୍ତ, ମୋଟ ସୁସ୍ଥ ସଂଖ୍ୟା ୬୭୦୩

ଆଜି ରାଜ୍ୟରେ ୨୧୭ ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। ଏହାକୁ ମିଶାଇ କରୋନାରୁ ଆରୋଗ୍ୟ ଲାଭ କରିଥିବା ସଂକ୍ରମିତଙ୍କ ମୋଟ ସଂଖ୍ୟା ୬୭୦୩ରେ ପହଂଚିଛି। ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଟ୍ୱିଟ୍ କରି ସୂଚନା ଦେଇଛି। ଆଜି ସୁସ୍ଥ ହୋଇଥିବା ସଂକ୍ରମିତଙ୍କ ମଧ୍ୟରେ ଗଂଜାମରୁ ୯୬, ଖୋର୍ଦ୍ଧାରୁ ୧୮, ବାଲେଶ୍ୱରରୁ ୧୬, ମୟୁରଭଞ୍ଜରୁ ୧୫, ବରଗଡ଼ରୁ ୧୩, କେନ୍ଦୁଝରରୁ ୧୨, ଝାରସୁଗୁଡ଼ାରୁ ୮, ମାଲକାନଗିରିରୁ ୭, ଯାଜପୁରରୁ ୬, ଅନୁଗୁଳ ଓ କଟକରୁ ୫ ଜଣା ଲେଖାଏଁ, ଢେଙ୍କାନାଳ ଓ ପୁରୀରୁ ୪ ଜଣେ ଲେଖାଏଁ, ଜଗସିଂହପୁରରୁ ୩, କେନ୍ଦ୍ରାପଡା ଓ ସୋନପୁରରୁ ୨ ଜଣ ଲେଖାଏଁ ଏବଂ ବଲାଙ୍ଗୀରରୁ ଜଣେ ଅଛନ୍ତି।

ସୂଚନାଯୋଗ୍ୟ, ଆଜି ରାଜ୍ୟରେ ୫୭୧ଜଣ ନୂଆ କରୋନା ସଂକ୍ରମିତ ଚିହ୍ନଟ ହେଵା ପରେ ମୋଟ ପଜିଟିଭ୍‍ ସଂଖ୍ୟା ୧୦ହଜାର ୯୭ରେ ପହଞ୍ଚିଛି। ସେମାନଙ୍କ ମଧ୍ୟରେ ୪୦୩ଜଣ ସଙ୍ଗରୋଧ କେନ୍ଦ୍ରରୁ ଚିହ୍ନଟ ହୋଇଥିବାବେଳେ ୧୬୮ଜଣ ସ୍ଥାନୀୟ ଅଞ୍ଚଳର। ସଂକ୍ରମିତଙ୍କ ମଧ୍ୟରେ ଗଞ୍ଜାମ ଜିଲ୍ଲାରୁ ସର୍ବାଧିକ ୨୭୩ଜଣ ଚିହ୍ନଟ ହୋଇଥିବାବେଳେ ଗଜପତିରୁ ୫୬, ସୁନ୍ଦରଗଡରୁ ୫୧, ଖୋର୍ଦ୍ଧାରୁ ୩୭, କଟକ ୨୯, ବାଲେଶ୍ୱରରୁ ୨୮, ମୟୂରଭଞ୍ଜରୁ ୧୪, ଯାଜପୁରରୁ ୧୬, ରାୟଗଡାରୁ ୧୦, ଜଗତସିଂହପୁର ୧୭, କେନ୍ଦୁଝର ଓ ନବରଙ୍ଗପୁରରୁ ୭ଜଣ ଲେଖାଏଁ, ସମ୍ବଲପୁରରୁ ୬,ବଲାଙ୍ଗୀରରୁ ୫, ପୁରୀ ଓ ଅନୁଗୋଳରୁ ୪ଜଣ ଲେଖାଏଁ, କେନ୍ଦ୍ରାପଡାରୁ ୩ ଓ ଭଦ୍ରକ, ଢେଙ୍କାନାଳ, ନୟାଗଡ ଏବଂ ଝାରସୁଗୁଡାରୁ ଜଣେ ଲେଖାଏଁ ଚିହ୍ନଟ ହୋଇଛନ୍ତି। ଏଯାବତ୍‍ ୩ଲକ୍ଷ ୨୭ହଜାର ୮୦ଟି ନମୁନା ପରୀକ୍ଷଣ ହୋଇଛି।

Comments
Loading...