ଆଜି ଭୁବନେଶ୍ବରରେ ପୁଣି ୩୨ କରୋନା ଆକ୍ରାନ୍ତ ଚିହ୍ନଟ, ସୁସ୍ଥ ହେଲେ ୫୨

ଭୁବନେଶ୍ବର: ଆଜି ଭୁବନେଶ୍ବରରେ ପୁଣି ୩୨ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେଥିମଧ୍ୟରୁ କ୍ବାରେଣ୍ଟାଇନ୍ କେସ୍ ୧୦ ହୋଇଥିବାବେଳେ ଲୋକାଲ୍‌ କଣ୍ଟାକ୍ଟ କେସ୍‌ ୨୨ ରହିଛି। କ୍ବାରେଣ୍ଟାଇନ୍‌ କେସ୍‌ ମଧ୍ୟରୁ ନୀଳାଦ୍ରିବିହାରରୁ ୨ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବାବେଳେ ନୟାପଲ୍ଲୀ, କଳିଙ୍ଗବିହାର, ଜାଗମରା, ବଡ଼ଗଡ଼, ପାହାଳ, ପଟିଆ, ବିଜେବି ନଗର ଓ ଚନ୍ଦ୍ରଶେଖରପୁରରୁ ଜଣେ ଲେଖାଏଁ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେହିପରି ଲୋକାଲ୍‌ କଣ୍ଟାକ୍ଟ କେସ୍‌ ମଧ୍ୟରୁ ନୟାପଲ୍ଲୀରୁ ୨ଜଣ ଚିହ୍ନଟ ହୋଇଥିବାବେଳେ ବଡ଼ଗଡ଼, ବିଜେବି ନଗର, ବମିଖାଲ, ଚନ୍ଦ୍ରଶେଖରପୁର, ଡେଲ୍‌ଟାଛକ, ଡୁମୁଡୁମା, ହଂସପାଳ, ଝାରପଡ଼ା, କଳିଙ୍ଗବିହାର, ଖଣ୍ଡଗିରି, ନହରକଣ୍ଟା, ନ୍ୟୁଫରେଷ୍ଟ ପାର୍କ, ଖଣ୍ଡଗିରି, ନିଳାଦ୍ରୀବିହାର, ପଟିଆ, ପୋଖରିପୁଟ, ରସୁଲଗଡ଼, ସହିଦନଗର, ସୁନ୍ଦରପଦା, ୟୁନିଟ୍-୯, ବିବେକାନନ୍ଦ ମାର୍ଗ ଆଦି ଅଞ୍ଚଳରୁ ଜଣେ ଲେଖାଏଁ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଆଜି ଭୁବନେଶ୍ବରରେ ୫୨ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। ଆଜି ସୁଦ୍ଧା ଭୁବନେଶ୍ବରରେ ୩୦୭୨୩ଜଣ କରୋନା ଆକ୍ରାନ୍ତ ହୋଇଥିବାବେଳେ ୩୦୦୨୭ଜଣ ସୁସ୍ଥ ହୋଇଛନ୍ତି ଏବଂ ୪୫୬ଜଣ ଚିକିତ୍ସାଧୀନ ରହିଛନ୍ତି। ଆଜି ସୁଦ୍ଧା ୨୧୯ଜଣ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି ବୋଲି ଭୁବନେଶ୍ବର ମହାନଗର ନିଗମ ପକ୍ଷରୁ ସୂଚନା ଦିଆଯାଇଛି।

Comments
Loading...