ଆଜି ଭୁବନେଶ୍ବରରୁ ୪୩ କରୋନା ଆକ୍ରାନ୍ତ ଚିହ୍ନଟ , ସୁସ୍ଥ ହେଲେ ୫୭

ଭୁବନେଶ୍ବର: ଆଜି ରାଜଧାନୀ ଭୁବନେଶ୍ବରରୁ ୪୩ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେଥିମଧ୍ୟରୁ କ୍ବାରେଣ୍ଟାଇନ୍‌ ସେଣ୍ଟରରୁ ୧୨ ଓ ଲୋକାଲ୍‌ କଣ୍ଟାକ୍ଟ କେସ୍‌ରୁ ୩୧ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଆଜି ଭୁବନେଶ୍ବରରେ ୫୭ଜଣ କରୋନା ଆକ୍ରାନ୍ତ ସୁସ୍ଥ ହୋଇ ଘରକୁ ଫେରି ଯାଇଛନ୍ତି। ବର୍ତ୍ତମାନ ସୁଦ୍ଧା ରାଜଧାନୀ ଭୁବନେଶ୍ବରରୁ ୩୦ ହଜାର ୪୬୧ କରେନା ଆକ୍ରାନ୍ତ ଚିହ୍ନଟ ହୋଇଥିବାବେଳେ ୨୯,୬୬୦ ସୁସ୍ଥ ହୋଇଛନ୍ତି ଏବଂ ୫୭୬ ଚିକିତ୍ସାଧୀନ ରହିଛନ୍ତି। ଭୁବନେଶ୍ବରରେ ୨୦୪ଜଣ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି ବୋଲି ଭୁବନେଶ୍ବର ମହାନଗର ନିଗମ ପକ୍ଷରୁ ଟ୍ବିଟ୍‌ ଯୋଗେ ସୂଚନା ଦିଆଯାଇଛି।

ଭୁବନେଶ୍ବର ମହାନଗର ନିଗମ ପକ୍ଷରୁ ଟ୍ବିଟ୍‌ କରି କୁହାଯାଇଛି ଯେ ଆଜି ରାଜଧାନୀ ଭୁବନେଶ୍ବରରେ ୪୩ଜଣ କରୋନା ଆକ୍ରାନ୍ତ ହୋଇଛନ୍ତି। ସୌଭାଗ୍ୟନଗରରୁ ୬ଜଣ ଓ ପଟିଆରୁ ୩ଜଣ କରୋନା ଆକ୍ରାନ୍ତଙ୍କ ସମେତ ବରମୁଣ୍ଡା, କଳିଙ୍ଗ ବିହାର, ଭୀମଟାଙ୍ଗି, ବମିଖାଲ, କଳିଙ୍ଗନଗର, ନୀଳାଦ୍ରିବିହାର, ପୁରୁଣା ଭୁବନେଶ୍ବର ଅଞ୍ଚଳରୁ ଦୁଇଜଣ ଲେଖାଏଁ ଆକ୍ରାନ୍ତ ଚିହ୍ନଟ ହୋଇଛନ୍ତି। ସେହିପରି ବଡ଼ଗଡ଼, ଆଇଆର୍‌ସି ଭିଲେଜ, ଝାରପଡ଼ା, ପୋଖରୀପୁଟ, ଶୈଳଶ୍ରୀବିହାର, ୟୁନିଟ୍‌-୬, ବିଜେବି ନଗର, ଚନ୍ଦ୍ରଶେଖରପୁର, ଗ୍ୟାରେଜ୍‌ଛକ, ଜୟଦେବ ବିହାର, ନୟାପଲ୍ଲୀ, ଟଙ୍କପାଣି ରୋଡ୍‌ ସହିଦ ନଗର ଆଦି ଅଞ୍ଚଳରୁ ଜଣେ ଲେଖାଏଁ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି।

Comments
Loading...