ଲକ୍‌ଡାଉନ ପ୍ରଭାବ: ୩ ଦିନରେ ଭାରତରେ କମିଛି ସଂକ୍ରମଣ ହାର

ନୂଆଦିଲ୍ଲୀ: ଭାରତରେ ଲକ୍‌ଡାଉନ ଯୋଗୁ କରୋନା ସଂକ୍ରମଣ ହାର ହ୍ରାସ ପାଇଛି। ବିଗତ ୪ ଦିନର ତଥ୍ୟକୁ ଧ୍ୟାନ ଦେଲେ ଏହା ଜଣାପଡ଼ୁଛି। ସଂକ୍ରମିତଙ୍କ ସଂଖ୍ୟା ପୂର୍ବାପେକ୍ଷା ବଢିଥିଲେ ହେଁ ଦୈନିକ ସଂକ୍ରମଣ ହାର କମିଛି। ୨୫ ତାରିଖ ସୁଦ୍ଧା ଦେଶରେ କରୋନା ଆକ୍ରାନ୍ତ ସଂଖ୍ୟା ୬୫୭ ଥିଲା। ୨୬ ତାରିଖରେ ୭୮ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଥିଲେ। ଏହା ପରେ ୨୭ ତାରିଖରେ ଆକ୍ରାନ୍ତ ସଂଖ୍ୟା ୮୮୬କୁ ବଢ଼ିବା ସହିତ ୧୫୧ ନୂଆ ରୋଗୀ ଚିହ୍ନଟ ହୋଇଥିଲେ। ପରେ ୨୮ ତାରିଖରେ ୧୪୩ ନୂଆ ସଂକ୍ରମିତ ଚିହ୍ନଟ ହୋଇଥିବାବେଳେ ୨୯ ତାରିଖରେ ଏହି ସଂଖ୍ୟା ୧୧୦ ରହିଛି। ଦେଶରେ ବର୍ତ୍ତମାନ ଆକ୍ରାନ୍ତଙ୍କ ସଂଖ୍ୟା ୧୧୩୯ରେ ପହଞ୍ଚିଛି। ସେମାନଙ୍କ ମଧ୍ୟରୁ ୧୦୨ ଜଣ ଚିକିତ୍ସା ପରେ ସୁସ୍ଥ ହୋଇଥିବାବେଳେ ୨୭ ଜଣଙ୍କ ମୃତ୍ୟୁ ଘଟିଛି। ବର୍ତ୍ତମାନ ୧୦୧୦ ଜଣ ଚିକିତ୍ସାଧୀନ ଅଛନ୍ତି।

ତେବେ ମହାରାଷ୍ଟ୍ର ଏବଂ କେରଳରେ ସର୍ବାଧିକ ଆକ୍ରାନ୍ତ ଚିହ୍ନଟ ହୋଇଛନ୍ତି। ମହାରାଷ୍ଟ୍ରରେ ବର୍ତ୍ତମାନ ଆକ୍ରାନ୍ତ ସଂଖ୍ୟା ୨୦୩ ଛୁଇଁଥିବାବେଳେ କେରଳରେ ୨୦୨ ରହିଛି। ଏହାପଛକୁ ରହିଛି କର୍ଣ୍ଣାଟକ(୮୩), ଦିଲ୍ଲୀ(୭୨), ଉତ୍ତରପ୍ରଦେଶ(୭୨), ତେଲେଙ୍ଗାନା(୭୦), ଗୁଜରାଟ(୬୩), ରାଜସ୍ଥାନ(୫୯), ତାମିଲନାଡୁ(୫୦), ମଧ୍ୟପ୍ରଦେଶ(୩୯), ଜାମ୍ମୁ-କାଶ୍ମୀର(୩୮), ପଞ୍ଜାବ(୩୮), ହରିୟାଣା(୨୫), ଆନ୍ଧ୍ରପ୍ରଦେଶ(୨୧), ପଶ୍ଚିମବଙ୍ଗ(୨୧), ବିହାର(୧୫), ଲଦାଖ(୧୩), ଆଣ୍ଡାମାନ ଓ ନିକୋବର(୯), ଚଣ୍ଡୀଗଡ଼(୮), ଛତିଶଗଡ଼(୭), ଉତ୍ତରାଖଣ୍ଡ(୭), ଗୋଆ(୫), ହିମାଚଳପ୍ରଦେଶ(୩୦), ଓଡ଼ିଶା(୩), ମଣିପୁର(୧), ମିଜୋରମ(୧), ପୁଡୁଚେରୀ(୧)। ସେହିପରି ମହାରାଷ୍ଟ୍ରରେ ସର୍ବାଧିକ ୭ ଜଣଙ୍କ ମୃତ୍ୟୁ ହୋଇଛି। ଏହା ପଛକୁ ଗୁଜରାଟରେ ୫, କେରଳରେ ୩ ଏବଂ ଦିଲ୍ଲୀ ଓ ମଧ୍ୟପ୍ରଦେଶରେ ୨ ଜଣ ଲେଖାଏ ପ୍ରାଣ ହରାଇଛନ୍ତି।

Comments
Loading...