ନୂଆଦିଲ୍ଲୀ: ଭାରତରେ କରୋନା ମୃତ୍ୟୁ ସଂଖ୍ୟା ବୁଧବାର ସକାଳ ସୁଦ୍ଧା ୨୪୧୫କୁ ବୃଦ୍ଧି ପାଇଛି। ଗତ ୨୪ ଘଣ୍ଟାରେ ୧୨୨ ଜଣଙ୍କ ମୃତ୍ୟୁ ଘଟିଥିବାବେଳେ ୩୫୨୫ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି। ଫଳରେ ଦେଶରେ ମୋଟ ସଂକ୍ରମିତଙ୍କ ସଂଖ୍ୟା ୭୪ ହଜାର ୨୮୧ରେ ପହଞ୍ଚିଛି। ସେମାନଙ୍କ ମଧ୍ୟରୁ ୨୪ ହଜାର ୩୮୫ ଜଣ ସୁସ୍ଥ ହୋଇଥିବାବେଳେ ୪୭ ହଜାର ୪୮୦ ଜଣ ଏବେ ଚିକିତ୍ସାଧୀନ ରହିଥିବା କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି।
ମହାରାଷ୍ଟ୍ରରେ କରୋନା ସ୍ଥିତି ଉଦବେଗଜନକ ରହିଛି। ଏହି ରାଜ୍ୟରେ ବର୍ତ୍ତମାନ ସୁଦ୍ଧା ସର୍ବାଧିକ ୨୪ ହଜାର ୪୨୭ ସଂକ୍ରମିତ ଚିହ୍ନଟ ହୋଇଥିବାବେଳେ ୯୨୧ ଜଣ ପ୍ରାଣ ହରାଇଛନ୍ତି। ସେହିପରି ଗୁଜରାଟରେ ୨ୟ ସର୍ବାଧିକ ୮୯୦୪ ଆକ୍ରାନ୍ତ ଚିହ୍ନଟ ହୋଇଥିବାବେଳେ ୫୩୭ ଜଣଙ୍କ ମୃତ୍ୟୁ ଘଟିଛି। ଏହାବ୍ୟତୀତ ଦିଲ୍ଲୀରେ ୭୬୩୯ ଆକ୍ରାନ୍ତ ଓ ୮୬ ମୃତ, ତାମିଲନାଡୁରେ ୮୭୧୮ ଆକ୍ରାନ୍ତ ଓ ୬୧ ମୃତ, ରାଜସ୍ଥାନରେ ୪୨୧୩ ଆକ୍ରାନ୍ତ ଓ ୧୧୭ ମୃତ, ମଧ୍ୟପ୍ରଦେଶରେ ୩୯୮୬ ଆକ୍ରାନ୍ତ ଓ ୨୨୫ ମୃତ, ଉତ୍ତରପ୍ରଦେଶରେ ୩୬୬୪ ଆକ୍ରାନ୍ତ ଓ ୮୨ ମୃତ, ଆନ୍ଧ୍ରପ୍ରଦେଶରେ ୨୦୮୯ ଆକ୍ରାନ୍ତ ଓ ୪୬ ମୃତ, ପଞ୍ଜାବରେ ୧୯୧୪ ଆକ୍ରାନ୍ତ ଓ ୩୨ ମୃତ, ପଶ୍ଚିମବଙ୍ଗରେ ୨୧୭୩ ଆକ୍ରାନ୍ତ ଓ ୧୯୮ ମୃତ, ତେଲେଙ୍ଗାନାରେ ୧୩୨୬ ଆକ୍ରାନ୍ତ ଏବଂ ୩୨ ଜଣଙ୍କ ମୃତ୍ୟୁ ଘଟିଛି।
Comments are closed.