ବୋଲଗଡ: ବିଶ୍ୱରେ କରୋନା ମହାମାରୀର ପ୍ରକୋପ ଦିନକୁ ଦିନ ବୃଦ୍ଧି ପାଇବାରେ ଲାଗିଛି। ଜାତୀୟ ସ୍ତରରେ ଭାରତର ଅବସ୍ଥା କରୋନା ସଂକ୍ରମିତରେ ଜୁଡୁବୁଡୁ। ସେହିପରି ରାଜ୍ୟରେ କରୋନାର ତାଣ୍ଡବ ଦିନକୁ ଦିନ ଉଗ୍ରରୂପ ଧାରଣ କରିଚାଲିଛି। ଯାହାଦ୍ୱାରା ଭୟ ଓ ଆଶଙ୍କାରେ ଜୀବନ ଓ ଜିବିକା ଉପରେ ଘୋର ପ୍ରଭାବ ପଡୁଛି। ଏହି ପରୀପ୍ରେକ୍ଷୀରେ ରାଜ୍ୟର ଖୋର୍ଦ୍ଧା ଜିଲ୍ଲା କରୋନା ସଂକ୍ରମିତରେ ଅନ୍ୟ ଜିଲ୍ଲାକୁ ପଛରେ ପକାଇ ପ୍ରଥମସ୍ଥାନ ଅଧିକାର କରିସାରିଲାଣି। ଅନୁରୂପ ଭାବେ ଖୋର୍ଦ୍ଧା ଜିଲ୍ଲା ବୋଲଗଡ ବ୍ଲକରେ କରୋନା ସଂକ୍ରମିତ ଅନ୍ୟ ବ୍ଲକ ତୁଳନାରେ ସଂକ୍ରମିତଙ୍କ ସଂଖ୍ୟା ବଢିବାରେ ଲାଗିଛି। ବ୍ଲକ ସଦର ମହକୁମା ବୋଲଗଡ ପଞ୍ଚାୟତରେ ଗତ ୨ଦିନ ମଧ୍ୟରେ ର୍ୟାପିଡ ଆଣ୍ଟିଜେନ ଟେଷ୍ଟରେ ସଂକ୍ରମିତଙ୍କ ସଂଖ୍ୟା ୧୯କୁ ଛୁଇଁ ସାରିଲାଣି।
ତେବେ କେତେକ ସଂକ୍ରମିତ ସନ୍ଦିଗ୍ଧ ବ୍ୟକ୍ତି ବାହାରେ ଖୁଲମ୍ଖୁଲା ବିଶ୍ରୁଙ୍ଖଳିତ ଭାବେ ବଜାର ତଥା ରାସ୍ତା ଘାଟରେ ଘୁରି ବୁଲୁଛନ୍ତି। ଅପରପକ୍ଷେ ଯେଉଁମାନେ କରୋନା ଚିହ୍ନଟ ହୋଇଛନ୍ତି,ସେମାନଙ୍କ ପ୍ରତି ବ୍ଲକ ପ୍ରଶାସନର କୈାଣସି ଦେଖାଶୁଣା ନାହିଁ। ଚିହ୍ନଟ ପରେ ସେମାନେ ସମସ୍ତ ଜାଗାରେ ଅନାୟାସରେ ତଥା ଅବାଧରେ ବୁଲୁଥିବାର ଦେଖିବାକୁ ମିଳୁଛି। ପଜିଟିଭ ବ୍ୟକ୍ତିମାନଙ୍କର ସଂକ୍ରମିତ ହେବାକୁ ନେଇ ଟିକିଏ ହେଲେ ଭୟ ନଥିବା ପରି ଜଣାଯାଉଛି।
ଯଦି ଏଭଳି ଅବସ୍ଥା ଆଗକୁ ଲାଗି ରହେ କରୋନା ନିଶ୍ଚିତ ଭାବେ କାୟା ବିସ୍ତାର କରି ବ୍ଲକର ସମସ୍ତ ଅଞ୍ଚଳକୁ ପ୍ରଭାବିତ କରିବାର ସମ୍ଭାବନାକୁ ଏଡାଇ ଦିଆଯାଇ ନପାରେ।