Deprecated: class-oembed.php is deprecated since version 5.3.0! Use wp-includes/class-wp-oembed.php instead. in /var/www/vhosts/samajalive.in/httpdocs/wp-includes/functions.php on line 4903

ଗାଁରେ ପଶିଲା କରୋନା: ସୁନ୍ଦରଗଡ଼ର ବଡ଼ଗାଁ ଓ ଟାଙ୍ଗରପାଲିରୁ ୫ ଚିହ୍ନଟ; ଦିନକରେ ୯୨

ଗୋଟିଏ ଦିନରେ ୯୨

ସୁନ୍ଦରଗଡ଼: ଏବେ ସହର ଛାଡ଼ି ଗାଁ ମୁହାଁ କରୋନା । ସୁନ୍ଦରଗଡ଼ ଜିଲାର ପଛୁଆ ଅଞ୍ଚଳ କୁହାଯାଉଥିବା ବଡ଼ଗାଁ ଓ ଟାଙ୍ଗରପାଲିରେ ଆଜି ୫ ଜଣ ନୂଆ ସଂକ୍ରମିତ ଠାବ ହୋଇଛନ୍ତି । ସୁନ୍ଦରଗଡ଼ ଜିଲାପାଳ ଏ ସମ୍ପର୍କରେ ସୂଚନା ଦେଇଛନ୍ତି  । ସମସ୍ତ ସଂକ୍ରମିତ ମହାରାଷ୍ଟ୍ରରୁ ଫେରିଛନ୍ତି । ବଡ଼ଗାଁ ବ୍ଲକ ରେ ୨ ଜଣ ଏବଂ ଟାଙ୍ଗର ପାଲି ବ୍ଲକରେ ୩ ଜଣ ପଜିଟିଭ ଚିହ୍ନଟ ହୋଇଛନ୍ତି ।  ସେହିପରି ଝାରସୁଗୁଡାରେ ଜଣେ ୫ ବର୍ଷର ଶିଶୁ କରୋନା ପଜିଟିଭ୍ ଚିହ୍ନଟ ହୋଇଥିବା ଝାରସୁଗୁଡ଼ା ଜିଲାପାଳ ସୂଚନା ଦେଇଥିଲେ । ଶୁକ୍ରବାର ରାଜ୍ୟରେ ୫ ବର୍ଷର ଶିଶୁକୁ ମିଶାଇ ଏବେସୁଦ୍ଧା ୯୨ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଏହାକୁ ମିଶାଇ ରାଜ୍ୟରେ ମୋଟ୍ କରୋନା ସଂକ୍ରମିତଙ୍କ ସଂଖ୍ୟା ୧୧୯୫ ଛୁଇଁଲା ।

ଶୁକ୍ରବାର ଚିହ୍ନଟ ହୋଇଥିବା ୯୨ ସଂକ୍ରମିତଙ୍କ ମଧ୍ୟରୁ ଯାଜପୁର ଜିଲ୍ଲାରୁ ସର୍ବାଧିକ ୪୬ ଜଣ ରହିଛନ୍ତି । ଅନୁରୂପ ଭାବରେ  କଟକ ଜିଲ୍ଲାରୁ ୧୧, ନୟାଗଡ ଜିଲ୍ଲାରୁ ୬ , ଗଞ୍ଜାମ ଜିଲ୍ଲାରୁ ୫, ବାଲେଶ୍ବର ଜିଲ୍ଲାରୁ ୩ , ଭଦ୍ରକ ଜିଲ୍ଲାରୁ ୩ , କେନ୍ଦୁଝର ଜିଲ୍ଲାରୁ ୩ , ଖୋର୍ଦ୍ଧା ଜିଲ୍ଲାରୁ ୩ , ପୁରୀ ଜିଲ୍ଲାରୁ ୩ , ବଲାଙ୍ଗୀର ଜିଲ୍ଲାରୁ ୨ , ଝାରସୁଗୁଡାରୁ ଜଣେ  ଏବଂ ସୁନ୍ଦରଗଡ ଜିଲ୍ଲାରୁ ୬ ରହିଛନ୍ତି । ଝାରସୁଗୁଡ଼ା ଜିଲାରୁ ଚିହ୍ନଟ ହୋଇଥିବା ଶିଶୁ ନିଜ ପରିବାର ସହ ଉତ୍ତରପ୍ରଦେଶରୁ